影片
更多
2018-06-29
1123 瀏覽
Happy friday~~同朋友過黎POP 潮聖下～～順便搵野食。原來山下菓子開左cafe, 之前買過佢d 卡通精品同埋牧家千層蛋糕都真係得意又好食。見門口menu 有我最愛既梳乎里pancake 同埋水果茶，唔使諗立即去試試先。✨門口除左蛋糕，仲有水果，cremia 雪糕賣～✨連日本直送既零食，果汁都有～原來佢仲有得賣王林蘋果片😍，之前同事請過我食，好似薯片咁薄，口感好鬆脆，帶少少酸甜真係好好食，臨走要掃番兩包！✨環境雖然唔算好大，但感覺唔會太擠迫。牆身以湖水綠為主調，配上簡潔既木枱木凳，感覺帶點小清新。✨山下水果茶： 好大杯好足料，面頭仲有一大舊檸檬，不過唔小心整跌左塊青檸😭✨入面有火龍果，藍莓，士多啤梨，荔枝，薄荷葉等等， 味道酸酸甜甜好fresh。茶味幾香，咬埋d熱情果核脆卜卜都幾過癮，❤️呢杯滿足到我呢個水果茶迷👍🏻✨茄汁大蝦意粉： 意粉煙韌有咬口，醬汁偏酸但幾開胃，而且蝦肉夠爽夠彈牙。如果洋蔥粒多d 同爽d就更perfect。✨北海道豚肉腸蛋包飯： 賣相好吸引，未食已經覺得個蛋好水嫩。平時好少食咖哩因為怕辣，不過呢個蛋包飯真係好好食😍充滿蛋汁，超嫩滑👍🏻 咖哩汁幾香幾惹味又
原來山下菓子開左cafe, 之前買過佢d 卡通精品同埋牧家千層蛋糕都真係得意又好食。見門口menu 有我最愛既梳乎里pancake 同埋水果茶，唔使諗立即去試試先。
✨門口除左蛋糕，仲有水果，cremia 雪糕賣～
✨連日本直送既零食，果汁都有～原來佢仲有得賣王林蘋果片😍，之前同事請過我食，好似薯片咁薄，口感好鬆脆，帶少少酸甜真係好好食，臨走要掃番兩包！
✨環境雖然唔算好大，但感覺唔會太擠迫。牆身以湖水綠為主調，配上簡潔既木枱木凳，感覺帶點小清新。
✨山下水果茶： 好大杯好足料，面頭仲有一大舊檸檬，不過唔小心整跌左塊青檸😭
✨入面有火龍果，藍莓，士多啤梨，荔枝，薄荷葉等等， 味道酸酸甜甜好fresh。茶味幾香，咬埋d熱情果核脆卜卜都幾過癮，❤️呢杯滿足到我呢個水果茶迷👍🏻
山下水果茶
30 瀏覽
2 讚好
0 留言
✨茄汁大蝦意粉： 意粉煙韌有咬口，醬汁偏酸但幾開胃，而且蝦肉夠爽夠彈牙。如果洋蔥粒多d 同爽d就更perfect。
茄汁大蝦意粉
22 瀏覽
1 讚好
0 留言
✨北海道豚肉腸蛋包飯： 賣相好吸引，未食已經覺得個蛋好水嫩。平時好少食咖哩因為怕辣，不過呢個蛋包飯真係好好食😍充滿蛋汁，超嫩滑👍🏻 咖哩汁幾香幾惹味又唔會太辣，最後一定要試埋個豚肉腸，肉質飽滿，幾juicy~~~~
蛋包飯
9 瀏覽
0 讚好
0 留言
✨和風博多明太子意粉： 雖然賣相比較普通，但呢個係我今餐最鍾意既一道菜❤️個汁好香濃，撈埋紫菜，木魚同明太子，脆卜卜+少少辣真係超好食。多人share 唔會覺得漏，不過真係唔係好夠喉😂好想再食～～
和風博多明太子意粉
28 瀏覽
0 讚好
0 留言
黎呢度點可以唔食甜品，甜品係屬於另一個胃😎
✨日本直送鮮果窩夫：佢d 生果真係好甜，日本果然係唔同d😆一分錢一分貨。 呢個窩夫外面微脆內軟，其實我都幾鍾意，因為我個人唔係好食熱氣野，好怕d 死硬脆既窩夫。如果窩夫個芒果醬可以多d or 另上比我淋上面就更加好，不過一讚佢個cream 係幾滑。
日本直送鮮果窩夫
23 瀏覽
0 讚好
0 留言
✨cremia 雪糕配蜜瓜梳乎里pancake: 呢個pancake 口感似棉花糖軟棉棉唔會乾身，唔會係得d 空氣，食完等於無食一陣風咁，加埋楓糖漿超好食😋。
✨重點推介：日本蜜瓜勁甜勁爆汁， cremia 雪糕勁香奶味，口感軟滑細膩，實在太太太太滿足。
cremia 雪糕配蜜瓜梳乎里pancake
32 瀏覽
0 讚好
0 留言
✨今餐真係超飽，期待佢既pancake,窩夫可以有更多新口味，特飲方面都幾多選擇，賣相幾吸引。主食意粉，蛋包飯亦做得唔錯有驚喜，值得一試👍🏻
張貼
