影片
更多
2023-05-23
85 瀏覽
今日又同朋友黎到荃灣行街，行到肚餓搵下附近有咩好食，見到呢間好近荃灣廣場既餐廳，位置算幾便利，咁啱心郁郁想食下燒肉，就決定係到食返個early dinner。美國和牛封門柳 200g首先黎既係我地今餐既主角，石燒牛！店員推介我地試和牛封門柳，果然夠晒大塊及厚身。上菜時師傅會將牛肉燒至一成熟，然後自己切開細塊再根據自己想食既熟成度放落石板到燒，自己控制非常自由。封門柳肉質軟嫩，牛肉味濃郁，夠晒肉汁。套餐另外再跟埋南瓜忌廉湯，沙律，薯條，味素飯同埋飲品，非常豐富。薯條係粗切，同樣有水準，新鮮炸起熱辣辣。A5和牛鵝肝丼見到餐牌極上丼飯定食系列可以三選一，套餐跟埋湯，沙律同飲品 ，只係$168，忍唔住叫埋。A5薄切和牛雪花紋好靚，肉質夠腍身，燒得啱啱好，油脂入口即化；鵝肝份量亦唔少，有5片咁多，外層煎得微微香脆，入口油香充滿成個口腔，非常惹味。鹽燒牛舌心串、羊西冷串見到餐廳仲有好多唔同款式既串燒，我地都叫左兩款試下。鹽燒牛舌心串肉質厚實有嚼勁；至於羊西冷串就有羶味得黎又恰到好處唔會太over，串燒味道調得剛好。總括而言，呢到既食材有質素，套餐性價比好高，有下次！
今日又同朋友黎到荃灣行街，行到肚餓搵下附近有咩好食，見到呢間好近荃灣廣場既餐廳，位置算幾便利，咁啱心郁郁想食下燒肉，就決定係到食返個early dinner。
美國和牛封門柳 200g
首先黎既係我地今餐既主角，石燒牛！店員推介我地試和牛封門柳，果然夠晒大塊及厚身。上菜時師傅會將牛肉燒至一成熟，然後自己切開細塊再根據自己想食既熟成度放落石板到燒，自己控制非常自由。封門柳肉質軟嫩，牛肉味濃郁，夠晒肉汁。套餐另外再跟埋南瓜忌廉湯，沙律，薯條，味素飯同埋飲品，非常豐富。薯條係粗切，同樣有水準，新鮮炸起熱辣辣。
A5和牛鵝肝丼
見到餐牌極上丼飯定食系列可以三選一，套餐跟埋湯，沙律同飲品 ，只係$168，忍唔住叫埋。A5薄切和牛雪花紋好靚，肉質夠腍身，燒得啱啱好，油脂入口即化；鵝肝份量亦唔少，有5片咁多，外層煎得微微香脆，入口油香充滿成個口腔，非常惹味。
鹽燒牛舌心串、羊西冷串見到餐廳仲有好多唔同款式既串燒，我地都叫左兩款試下。鹽燒牛舌心串肉質厚實有嚼勁；至於羊西冷串就有羶味得黎又恰到好處唔會太over，串燒味道調得剛好。
總括而言，呢到既食材有質素，套餐性價比好高，有下次！
張貼
