Route 99 (已結業)

呢間新開既寵物友善餐廳裝修好靚，用色特別又唔會sharp得滯，我地平日嚟都有好多人帶埋狗狗食飯!我地有寵物所以安排咗坐一個好大既包廂，就咁睇真係幾似愛麗斯咁。開頭見到呢到環境咁靚已經好滿足，點知食物同樣咁高質! 晚餐已經有沙律同埋湯，沙律一睇就係新鮮菜加埋佢既醬汁少少酸，食落好開胃。湯方面就係番茄雜菜湯，正正常常啦!飲品方面我叫咗pink lemonade，唔需要額外加錢既，酸味十足又冰凍，解膩一流! 另外再加果汁都只係28蚊，朋友叫咗Kale Kickstarter。用料十足仲要真係好解渴同埋好飲唔苦!All Day Breakfast我地叫咗炒蛋，蛋味好香濃而且有起碼5-6隻，炒出嚟一D都唔油而且熱辣辣即叫即整!同時我地都揀咗waffle，香脆而且一樣好重蛋味。最特別係有新鮮薯餅，煎得岩岩好唔會太油太乾，配合其他配料一齊食好滿足!Texas Burger從來冇諗過可以係呢度食到咁好食既burger，首先佢既burger係新鮮即制，漢堡扒肉汁多到滿瀉而且煎得好香!包有烘過而且有加少少牛油焗過所以非常香脆惹味，仲有墨西哥辣椒調味層次感十足又好食! 另外就係薯條份量超多仲要係熱辣辣，好食