影片
更多
2022-10-16
2027 瀏覽
以往幾廿年，利苑出名食物有質素，招呼好。於是擒日相約好友茶敍，由於對九龍灣唔太熟路。記得有利苑諗住實無衰。打去訂檯可留檯，但不停講，最早只可訂12:45，但2:00要交檯。唔係Ma, 咁咪要食得快過澳牛光速餐🤔心諗去得利苑，預咗係貴，但食環境食招呼，算啦！最多埋單時瞌埋眼比錢就算啦。佢應該都係講笑姐。擒日去到商場見人山人海，去到門口竟然無人等檯。心諗兩點還檯你咪棧吉晒個場。入座後，不停比騷擾！不停埋嚟叫你叫什麼花膠上湯米線，仲不停話你唔留定就無嫁啦⋯⋯我話未齊人，望下先。之後又話叫椰皇。望下menu 米線$188、椰皇$58⋯⋯之後同朋友一路傾計，一路不停有人行埋嚟不停sell, sell到我都有啲火火地。如是者，叫晒點心上檯食咗無耐，就行埋嚟話兩點交檯，我話點心都無齊。之後每隔幾分鐘，又埋嚟催。如是者，1:45就走埋嚟嘈，要我哋交檯。但我哋仲有半檯嘢未食晒。1:50就要我哋埋單2:00見有人比佢哋迫得緊要，開始走人。之後就算翻檯都仲有大把吉檯。到我哋食得八八九九，有個阿姐走埋大吵大鬧、話我哋賴C唔走，又點又點！真心覺得好可惜！點解一間食物質素唔錯嘅酒樓，可以容許伙記咁樣鬧客人。睇返c
於是擒日相約好友茶敍，由於對九龍灣唔太熟路。
記得有利苑諗住實無衰。打去訂檯可留檯，但不停講，最早只可訂12:45，但2:00要交檯。唔係Ma, 咁咪要食得快過澳牛光速餐🤔
心諗去得利苑，預咗係貴，但食環境食招呼，算啦！最多埋單時瞌埋眼比錢就算啦。佢應該都係講笑姐。
擒日去到商場見人山人海，去到門口竟然無人等檯。心諗兩點還檯你咪棧吉晒個場。
入座後，不停比騷擾！不停埋嚟叫你叫什麼花膠上湯米線，仲不停話你唔留定就無嫁啦⋯⋯我話未齊人，望下先。之後又話叫椰皇。望下menu 米線$188、椰皇$58⋯⋯
之後同朋友一路傾計，一路不停有人行埋嚟不停sell, sell到我都有啲火火地。
如是者，叫晒點心上檯食咗無耐，就行埋嚟話兩點交檯，我話點心都無齊。
之後每隔幾分鐘，又埋嚟催。
如是者，1:45就走埋嚟嘈，要我哋交檯。但我哋仲有半檯嘢未食晒。
1:50就要我哋埋單
2:00見有人比佢哋迫得緊要，開始走人。
之後就算翻檯都仲有大把吉檯。
到我哋食得八八九九，有個阿姐走埋大吵大鬧、話我哋賴C唔走，又點又點！
真心覺得好可惜！
點解一間食物質素唔錯嘅酒樓，可以容許伙記咁樣鬧客人。睇返comments, 原來我哋唔係個別例子，原來每間分店都經常發生，好似係佢哋酒樓嘅文化咁。
難怪無人等檯啦⋯⋯
42 瀏覽
1 讚好
0 留言
張貼
