新麻蒲 BBQ (東港城) (已結業)

都幾耐冇食過韓國菜，今次就去食lunch~呢間餐廳主打韓燒，但今日就想試吓佢除韓燒以外嘅其他韓式菜式~前菜有啲韓式小菜，小辣，個人比較鍾意黑木耳同埋魚片，黑木耳有幾香嘅麻油味，魚片就辣辣地比較開胃~叫咗兩個set lunch，包括原味烤雞肉套餐，韓式烤雞肉甜甜地味道都唔錯，蔬菜份量同雞肉比較平均，整體比較健康。蔬果款式較多，有比較爽脆嘅紅蘿蔔同翠玉瓜，搭配雞肉一齊食會有田園感覺，係我比較鍾意嘅套餐~套餐飲品我揀咗熱柚子蜜，比較喜歡佢不太甜，反而淡淡的甜味比較清潤可口~朋友就叫咗牛肉石鍋拌飯，本身拌飯係唔辣嘅，但係佢會俾咗啲甜甜地嘅辣醬，可以自己按個人喜好選擇。拌飯嘅材料比較多，有唔同種類嘅蔬果，亦都有肉類同雞蛋，整體感覺比較均衡，撈埋一齊食會食到唔同嘅層次。而且因為用石鍋，食物嘅保溫程度比較好，食到最尾都食到熱辣辣嘅飯👍套餐飲品跟咗藍天檸檬汽水，整體賣相唔錯，飲落都冇失望，檸檬味道較重，飲落有酸酸甜甜嘅感覺，比較開胃。而且飲品夠冰凍，適合炎炎夏日解渴～