影片
更多
2010-07-05
30 瀏覽
自從開始番工，都無個星期六可以去探外婆。而家放一個月大假，星期六就去咗大埔探阿婆。知道呢間野係新開，於是一行8人去試試午餐。環境很好，很光猛，樓底很高，用上大吊燈，感覺幾高級。牆上還貼著很多獎狀，還有獎牌。坐下不久，侍應送上水及menu。不過張menu係一張紙，無過膠，字已經化開，紙都已經皺起來。午餐選揀不多，也沒有一些特別吸引。有最basic嘅肉醬意、carbonara；其餘的一看已知唔夠飽，因為無跟飯/意粉。好多都係淨一舊魚或者一舊鴨胸，點會夠飽呢！例如：煎龍利柳配凱撒沙律、伊文氏汁雞件洋蔥飯、煎鴨胸配沙律。午餐要加$20才有湯同甜品，本身個餐只包一杯飲品。相應來說價錢並不便宜。大家看過menu 之後，都揀好了。我揀咗火腿芝士豬扒飯 (走cheese)。個名已經好普通，原以為係焗嘅。一上枱，真係O晒咀！唔係焗都算嘞，個賣相仲要同茶記d是日午餐無分別。最大問題係...唔熱！只得一塊好薄嘅豬扒同一片火腿。飯內夾雜了洋蔥粒，無咩特別。塊豬扒薄都算嘞，質素仲要唔係好好，好硬，又唔入味。塊火腿係金妹牌囉！又薄又細塊！真係好失望，成五十幾蚊，竟然同茶記無分別！阿媽就要咗煎龍利柳配凱撒沙律。同一
而家放一個月大假，星期六就去咗大埔探阿婆。
知道呢間野係新開，於是一行8人去試試午餐。
環境很好，很光猛，樓底很高，用上大吊燈，感覺幾高級。
牆上還貼著很多獎狀，還有獎牌。
坐下不久，侍應送上水及menu。
不過張menu係一張紙，無過膠，字已經化開，紙都已經皺起來。
午餐選揀不多，也沒有一些特別吸引。
有最basic嘅肉醬意、carbonara；其餘的一看已知唔夠飽，因為無跟飯/意粉。
好多都係淨一舊魚或者一舊鴨胸，點會夠飽呢！
例如：煎龍利柳配凱撒沙律、伊文氏汁雞件洋蔥飯、煎鴨胸配沙律。
午餐要加$20才有湯同甜品，本身個餐只包一杯飲品。
相應來說價錢並不便宜。
大家看過menu 之後，都揀好了。
我揀咗火腿芝士豬扒飯 (走cheese)。
個名已經好普通，原以為係焗嘅。一上枱，真係O晒咀！
唔係焗都算嘞，個賣相仲要同茶記d是日午餐無分別。
最大問題係...唔熱！
只得一塊好薄嘅豬扒同一片火腿。
飯內夾雜了洋蔥粒，無咩特別。
塊豬扒薄都算嘞，質素仲要唔係好好，好硬，又唔入味。
塊火腿係金妹牌囉！又薄又細塊！
真係好失望，成五十幾蚊，竟然同茶記無分別！
阿媽就要咗煎龍利柳配凱撒沙律。
同一缺點：唔熱！
塊龍利柳長就幾長，不過就唔算厚。
同喺超市買嘅無分別...again~
唯獨個汁幾特別，係山楂汁，酸酸地幾開胃。
反而個caesar salad就幾好味，菜新鮮爽脆。
賣相最差可算是表弟嘅伊文氏汁雞件洋蔥飯。
個賣相可以講得上係核突。
又係...唔熱！
同埋跟本稱唔上係雞件，只係雞肉碎，碎濕濕。
PAT 醬係啡色，就好係mushroom sauce 咁。
洋蔥飯個名好似好好聽，但其實唔寫係「洋蔥飯」嘅白飯都有洋蔥粒囉！
餐飲又係失望！連茶記水準都欠奉！
奶茶無茶味，似飲奶。lemon tea無茶香味。
唯獨coffee較好，呢次嘅熱啡真係夠熱喇！
整體黎計好失望！服務不過不失，但伙記們唔算話頭醒尾嗰隻。
以後都唔會再黎！
張貼
