隨心 (已搬遷) 新店位置

好耐冇食過新加坡菜，甘岩睇完飲食節目見到個黑蘿蔔糕好好食甘，於是專登黎試一試。除左叫左黑蘿蔔糕之外，仲叫左沙嗲黄金豆腐，無骨海南雞飯同青檸梳打。黑蘿蔔糕切成一粒粒連埋雞蛋一齊去煎，再加埋入味既黑醬油，果然冇令我失望。沙嗲黄金豆腐，第一次食炸豆腐配沙嗲醬，豆腐炸到外脆內軟，沙嗲醬甜甜地，有花生粒，配搭唔會突兀，可以試下。無骨海南雞飯既雞肉唔鞋口，可惜當晚油飯售罄，無得試，得返白飯，下次一定要黎試下。青檸梳打鍾意佢冇落糖，原汁原味，又健康。呢間都幾多街坊黎食，老闆親力親為，留得住客人既胃。