幸屋

營業中

休息中

今日收工去咗搵個friend, 由灣仔地膽帶咗我去一間超級好味嘅隱世拉麵店。平時如果自己係灣仔，係唔會搵到呢間拉麵店，因為係d 巷仔入面，而唔係大街。拉麵店以木系啡色及淺啡色為裝修，餐廳舖頭呈長型，因樓底較高好有空間感。有四人枱，亦有向牆嘅吧枱。我哋被安排去吧枱坐，好有置身日本居酒屋嘅感覺。餐廳員工服務態度非常親切，一坐低就問我哋要茶或是水。胡麻王豚肉拉麵 $80湯底黑芝麻味非常香濃，再加上豬骨湯底陪搭。調出豬骨湯嘅肉味來，非常清甜唔會過膩。 豚肉選了角切，非常厚身嘅厚切豬肉片，拉麵夠爽口彈牙。蝦汁帆立貝沾麵 $128湯底以海老熬製而成，非常濃厚嘅海蝦味，每一啖都好似食緊一隻海蝦咁。帆立貝非常大粒新鮮，有兩大粒。 還有一片厚切豚肉同切開嘅溫泉蛋附送。再伴隨木耳絲、蝦米仔、蔥絲同一片紫菜。 再以濃蝦湯底撈沾麵食，一試難忘，非常好味。和風餃子 $38將餃子整成一個薄餅，食落去脆得來又軟，非常好味😋。八爪魚丸外脆內軟，粉唔會太多，仲有八爪魚🐙在內。非常好味。日後再來灣仔會再試埋其他款式拉麵。