隨心華人喇沙海南雞

營業中

休息中

朋友話成日lunch 去呢間隨心華人喇沙海南雞，今日佢帶咗我嚟😂。餐廳名字有海南雞同喇沙，相信係餐廳嘅招牌菜，所以我同女友分別叫咗隨心無骨海南雞飯同魚片頭喇沙。- 隨心無骨海南雞飯海南雞有齊雞髀同雞胸位，肉質嫩滑，旁邊既蔬菜新鮮。油飯好香，質感偏濕潤，仲有一杯熱辣辣既杞子雞湯🥰。餐廳提供三款醬汁，包括豉油、薑蓉同辣椒油。- 魚片頭喇沙我女朋友比較細食，餐廳可以叫扣底，賣相唔錯，所有配料全部浮晒上面，魚片頭爽口彈牙。喇沙湯底呈黃色，椰奶味唔算好重，但入口都好順滑。一般摻摻係油麵加米粉，但餐廳用瀨粉溝米粉，兩者都好吸汁，非常惹味😍- 沙嗲串燒串燒可以選擇豬、雞同牛。我地揀左雞，雞唔算好大件，肉質幾嫩滑，不過無咩沙嗲味🤔- 鳳尾蝦金絲薯卷蝦肉被外面既薯仔絲完全包圍住，薯仔絲炸到金黃酥脆，口感豐富。