影片
更多
2022-10-14
85 瀏覽
係廣華醫院附近，位置絕對唔難找。搭地鐵嘅話，建議由油麻地站出，更易直達。店面細細，不過原來唔使立食，坐係高椅Bar枱，睇住師傅功夫。係門口等嗰陣，有睇下門口d menu，望落都好一般，都係d大路野咁啦。坐定之後，店員俾左張QR code單我地，原來呢度又係掃QR code點餐。scan完之後發現......咦？！！！ 原來佢嘅完整menu，唔止門口既menu架喎！都有幾多幾特別嘅嘢食！！白子、 吞拿魚腦天、toro都有好多款、鮟鱇魚肝、火炙鵝肝、活八爪魚、當造嘅秋刀魚 ……連omakase都有得揀！仲要好抵！分別係$380／$580兩個omakase選擇。所以唔好睇佢個環境好似無乜特別，但原來好多高級食材！🥢白子小食(3pcs）【期間限定】$58呢個應該係鱈魚白子。白子，其實即係魚類嘅睪丸。冬天最肥美，當造期係每年10月至2月。奶油般嘅口感，細滑豐腴。師傅將白子輕灼之後，用火槍輕輕炙面，為表面添一層焦香；配酸汁、辣蘿蔔蓉、蔥花、七味粉，味道更有層次。大推！🥢秋刀魚刺身（半條）【期間限定】$78入秋，當然要試下當造嘅秋刀魚。每年9月至11月都係秋刀魚嘅當造期。特別肥美，魚味濃郁鮮香，油脂
位置絕對唔難找。
搭地鐵嘅話，建議由油麻地站出，更易直達。
店面細細，不過原來唔使立食，
坐係高椅Bar枱，睇住師傅功夫。
係門口等嗰陣，有睇下門口d menu，
望落都好一般，
都係d大路野咁啦。
坐定之後，店員俾左張QR code單我地，
原來呢度又係掃QR code點餐。
scan完之後發現......
咦？！！！
原來佢嘅完整menu，唔止門口既menu架喎！
都有幾多幾特別嘅嘢食！！
白子、 吞拿魚腦天、toro都有好多款、鮟鱇魚肝、火炙鵝肝、活八爪魚、當造嘅秋刀魚 ……連omakase都有得揀！仲要好抵！分別係$380／$580兩個omakase選擇。
所以唔好睇佢個環境好似無乜特別，
但原來好多高級食材！
🥢白子小食(3pcs）【期間限定】$58
呢個應該係鱈魚白子。
白子，其實即係魚類嘅睪丸。
冬天最肥美，當造期係每年10月至2月。
奶油般嘅口感，細滑豐腴。
師傅將白子輕灼之後，
用火槍輕輕炙面，
為表面添一層焦香；
配酸汁、辣蘿蔔蓉、蔥花、七味粉，
味道更有層次。大推！
🥢秋刀魚刺身（半條）【期間限定】$78
入秋，當然要試下當造嘅秋刀魚。
每年9月至11月都係秋刀魚嘅當造期。特別肥美，魚味濃郁鮮香，油脂豐厚。
🥢中吞拿魚腩刺身(3片) $129.00
肥美、入口即溶、無乜筋
🥢大滿足海膽特盛(迷你)$99.00
實物原來真係超級迷你，
成個碗仲細過我嘅手掌。
但就唔怕食得太多飯太飽。
不過海膽份量絕對爆滿！
好好味！
【壽司】
壽司、手卷、丼飯既飯，
好有heart全部都係赤醋飯。
🍣本鮪赤身壽司 $22.00
赤身冇咁油份唔重，
不過肉質結實、魚味更濃。
🍣鮟鱇魚肝壽司 $38
鮟鱇魚肝係日本一種高級食材，有「海中肥鵝肝」之稱。
好驚喜開心原來呢度有得食！
口感滑嫩細滑、油香十足，又唔苦。
🍣吞拿魚腦天壽司$48
入口即溶！入口即溶！入口即溶！
食過腦天真係返唔到轉頭。
一放入口，舌頭輕輕一壓，已經融化到每個口腔都係吞拿魚嘅油香味。
完全係幸福到要捧住個頭升上天嘅感覺😋
總結：
真係唔好睇呢間店舖環境普通，
原來食材高級新鮮、食物高質，仲要價錢一啲都唔貴！！
絕對係隱世、好味、性價比極高嘅壽司店！
千祈唔好錯過呢間！👍👍👍
張貼
