Kotori_Lbird

營業中

休息中

真正隱世日式外賣店。地點位於荔枝角一棟商業大廈，如果唔係朋友介紹真係未必識搵。由兩位日本人主理，主打嘅菜式都係比較健康。今次要咗個二人餐（可選配不同大小嘅烏冬同鰻魚飯）。某啲套餐仲會配有飲品。✨十蔬雞肉特製烏冬（中）有三個size，中size 係120g。除左雞肉，仲以十種蔬菜製成，包括里芋/蓮藕/蔥/蒟蒻/柚子/大根/牛蒡/菇/甘荀 /炸豆腐。烏冬幾彈牙。整體都幾清甜，非常健康。✨山芋炭燒鰻魚飯（大）同樣有三個size，大size係300g。鰻魚好肥美，以自家熬製醬汁調味，非常香，仲有啲炭燒風味。飯係用上糯麥同珍珠米，口感帶有煙靭感。面頭仲配上清新山芋蓉。