鮨亭 (已結業)

早排朋友仔約我再食呢間居酒屋，隔左差唔多一年再黎食，估唔到仲保持到水準，食材都係由日本直送，超級新鮮，而且平日夜晚客人唔多，慢慢吹水+飲野都得😍❀和風凍蕃茄❀原個蕃茄既前菜，切成一塊塊薄片，食落酸甜又開胃。❀築地刺身五點❀侍應會介紹進食次序，由淡到濃味，魚生係厚切仲要好新鮮，包括：鮎並、金目鯛、深海池魚、鮮鯖魚及海膽，鮎並係香港比較少見，肉質肥美呈半透明，味道清甜又鮮美。個海膽完整又飽滿，超靚，食落質感細膩，幾乎入口即溶🥰❀牛油果軟殼蟹卷❀脆卜卜既蟹籽、牛油果+軟殼蟹飯卷，簡單得黎又好味既組合，軟殼蟹炸到甘香可口又唔油膩。❀黑松露鰻魚石鍋飯❀個石鍋飯大份到少少嚇親，有飯焦，d飯粒粒分明，仲有少少鰻魚粒粒響入面，特別香口，面頭既鰻魚甜甜地又肥美😆❀巨峰乳酸及柚子檸檬梳打❀叫左走冰但份量都冇少到，柚子檸檬柚子既甜度中和左檸檬既酸，飲落微甜咁，又幾好。巨峰乳酸有淡淡巨峰提子味，唔錯。