影片
更多
2024-08-09
430 瀏覽
平時去荔枝角通常都會去D2 Place度食野，唔知道原來長沙灣廣場入邊都有啲餐廳。今次喺呢個意外嘅發現，我哋就選擇咗去試呢間特色居酒屋🏮整體環境都算坐得幾舒服，唔會有一般餐廳咁嘈吵，適合同三五知己嚟傾吓偈。店員亦好細心介紹菜式，服務周到👍🏻同埋欣賞佢哋好有心機設計一啲創意嘅菜式，誠意滿分🫶🏻🤍雞皮薯片第一次見到用雞皮炸成薯片做小食，覺得好新奇😂。店員特意介紹係用咗雞腿上面嘅皮，炸得好薄同鬆脆，意外地唔係好油膩！調味方面亦好豐富，上面撒咗啲七味粉同椒鹽，係好惹味嘅開胃小菜😋🤍雞胸軟骨串欣賞佢有別於一般嘅雞軟骨串，用雞胸軟骨可以每一啖都可以同時食到雞胸肉同爽口嘅軟骨，口感更加豐富😋🤍年糕串搽左自家製醬油去燒，味道唔會過濃搶左味，鹹甜適中。口感方面亦好煙韌，好有咬口👍🏻🤍叉燒和牛兩串 燒嘅時間同溫度控制得剛剛好，肉質好嫩之餘，亦鎖得住啲肉汁，好味🥰🤍芝士甲羅燒蟹肉意粉 平時係居酒屋都會食甲羅燒，不過配意粉就真係第一次食😙估唔到原來佢哋都幾夾！芝士同甲羅燒嘅香味都算偏濃，而且蟹肉嘅份量都多，每一啖都好滿足～🍸黄(rum, advocaat, pineapple) 🍸藍(Vodka, lyche
🤍雞皮薯片
第一次見到用雞皮炸成薯片做小食，覺得好新奇😂。店員特意介紹係用咗雞腿上面嘅皮，炸得好薄同鬆脆，意外地唔係好油膩！調味方面亦好豐富，上面撒咗啲七味粉同椒鹽，係好惹味嘅開胃小菜😋
🤍雞胸軟骨串
欣賞佢有別於一般嘅雞軟骨串，用雞胸軟骨可以每一啖都可以同時食到雞胸肉同爽口嘅軟骨，口感更加豐富😋
🤍年糕串
搽左自家製醬油去燒，味道唔會過濃搶左味，鹹甜適中。口感方面亦好煙韌，好有咬口👍🏻
🤍叉燒和牛兩串
燒嘅時間同溫度控制得剛剛好，肉質好嫩之餘，亦鎖得住啲肉汁，好味🥰
🤍芝士甲羅燒蟹肉意粉
平時係居酒屋都會食甲羅燒，不過配意粉就真係第一次食😙估唔到原來佢哋都幾夾！芝士同甲羅燒嘅香味都算偏濃，而且蟹肉嘅份量都多，每一啖都好滿足～
🍸黄(rum, advocaat, pineapple)
🍸藍(Vodka, lychee, pineapple, blue cacao)
欣賞店員細心地同我哋講解每一隻Cocktail嘅特色，俾我哋呢啲選擇困難症人士容易啲做決定🙈💛黃色Cocktail選用左雞蛋酒，配上荔枝呢個組合飲落去好似益力多，適合唔係鍾意酒味太濃嘅人飲。💙藍色Cocktail就偏向清新路線，會散發住水果嘅香味，都算易入口嘅選擇。
張貼
