神木日本料理 (已結業)

觀塘工廈一向都係隱世美食嘅集中地，有唔少高質嘅餐廳。香港人一向都鍾意食日本嘢，今次去嘅呢間餐廳絕對稱得上係高性價比嘅日本餐廳，人均唔洗300蚊已經可以食到刺身、串燒、小食，啱晒平時成日都想食日本嘢嘅朋友～------------------------------🐟◖神之特上刺身◗ $198呢個拼盤有六款刺身：三文魚、吞拿魚拖羅、真鯛、左口魚、帆立貝同赤蝦。刺身全部都幾新鮮，最鐘意拖羅同赤蝦，拖羅油脂非常豐富，入口即溶；赤蝦卷埋唔覺，食落都幾大隻，口感軟糯！🍢◖雞五味盛◗ $118串燒試咗雞嘅五款部位，餐廳用咗日本嘅薩摩赤雞嚟做串燒，分別有：二節翼，雞肝，雞胸軟骨，雞頸肉，雞心。雞肝同雞心個人最鐘意，塗咗啲照燒汁上面，味道甜甜哋，雞肝口感喺粉粉地，雞心都幾大塊，有啲口感～🥩◖牛肉他他◗ $88呢個他他同印象中嘅有少少唔同，用咗和牛牛肉切成厚片，再搭配蛋漿、醬汁、蒜蓉、蔥花攪拌一齊食，蒜香味略嫌濃咗少少，會有啲搶咗牛肉味，不過口感同味道夠曬豐富～🍜◖鍋燒烏冬◗ $78烏冬有天婦羅蝦，蟹柳，雞蛋，用咗鐵鍋上，影完相仲保持到熱辣辣，湯底嘅鰹魚湯底好濃郁，全部都入晒味～🍓◖草莓乳酸梳打