影片
更多
2024-10-12
533 瀏覽
今日同老公去觀塘睇錶，然後夜晚就帶我去附近工廈來個fine dining。餐廳以簡約木系設計，空間非常大，燈光光猛。Menu以黑膠碟為材質，感覺好特別。set dinner有5款選擇，當中有5個courses同飲品。而各款courses擺盤精緻，每道款式都好吸引。Welcome drink：先黎杯接骨木花薑啤tonic泡沫，飲落有淡淡花香味，少少甜味，凍凍地。Trio Starter：職員細心講解三款前菜，先由淡味開始。先食阿根廷紅蝦桂花青瓜果凍伴黑魚籽，桂花青瓜果凍口感清新，凍凍地，味道清淡。之後就青檸柚子松葉蟹水晶脆殼，脆殼係空心，咬落好脆，松葉蟹味道鹹鹹地。最後就係伏特加西瓜，西瓜用vodka浸過，味道苦苦地，然後配左上面芝士嘅鹹味，中和返個苦味。椰香紅菜頭濃湯：好少有餐廳用紅菜頭做湯，湯味道清甜，好香椰奶味，營養價值高。忌廉蘑菇湯：菇味濃，飲到粒粒蘑菇，充滿口感。澳洲M5威靈頓牛柳：酥皮焗得夠金黃脆身，牛油味香。牛柳嫩紅色，夠腍，酥皮同牛柳中間有層火腿及蘑菇泥，食落好有層次感，不用點醬汁都已經夠味，唔錯。香草芝士烤龍蝦海膽忌廉汁意大利飯：龍蝦去殼原隻上，入口啖啖肉，配埋上面海膽
餐廳以簡約木系設計，空間非常大，燈光光猛。Menu以黑膠碟為材質，感覺好特別。set dinner有5款選擇，當中有5個courses同飲品。而各款courses擺盤精緻，每道款式都好吸引。
Welcome drink：先黎杯接骨木花薑啤tonic泡沫，飲落有淡淡花香味，少少甜味，凍凍地。
Trio Starter：職員細心講解三款前菜，先由淡味開始。先食阿根廷紅蝦桂花青瓜果凍伴黑魚籽，桂花青瓜果凍口感清新，凍凍地，味道清淡。之後就青檸柚子松葉蟹水晶脆殼，脆殼係空心，咬落好脆，松葉蟹味道鹹鹹地。最後就係伏特加西瓜，西瓜用vodka浸過，味道苦苦地，然後配左上面芝士嘅鹹味，中和返個苦味。
椰香紅菜頭濃湯：好少有餐廳用紅菜頭做湯，湯味道清甜，好香椰奶味，營養價值高。忌廉蘑菇湯：菇味濃，飲到粒粒蘑菇，充滿口感。
澳洲M5威靈頓牛柳：酥皮焗得夠金黃脆身，牛油味香。牛柳嫩紅色，夠腍，酥皮同牛柳中間有層火腿及蘑菇泥，食落好有層次感，不用點醬汁都已經夠味，唔錯。
香草芝士烤龍蝦海膽忌廉汁意大利飯：龍蝦去殼原隻上，入口啖啖肉，配埋上面海膽忌廉汁，味道好濃，意大利飯軟硬適中，裡面仲有紅黃椒等爽口配料，甜甜地，好好食。
Trio Dessert Platter：三款甜品，擺盤幾靚，各具特色。豆腐芝麻柚子撻咬落鬆脆，芝麻味香。紅棗桑葚沙冰夠冰凍，係紅棗嘅甜味，OK喎。而青梅酒薄荷氣泡水口感較清爽，去油膩感就最啱。
自家制菊花蜜梳打：飲到淡淡菊花味，mix埋梳打飲，有氣甜甜地，又幾好。冷萃白甘庶咖啡：醇香咖啡配上甘蔗，甜味天然，又幾夾喎。
張貼
