影片
更多
2022-08-04
279 瀏覽
小店位於上環嘅橫街窄巷裏面，比較隱蔽冇咁容易搵到！雖然係日式cafe，但係係地地道道嘅香港小店，紀錄曬香港呢幾年發生嘅事，一定要大力支持！舖頭裏面有吧枱有日式家庭餐廳嘅木枱，好有feel，環境坐得好舒服，裝修得好靚，食物都好高質，咁高質嘅日式cafe要比多啲人知！------------------------------🍙◖鹽燒鯖魚+富士山御結◗ $140定食set包咗醬油淮山漬、有兩道主食、手沖茶同埋櫻花福餅，好豐富嘅和風定食set！前菜嘅醬油淮山漬鹹鹹酸酸咁好開胃，當日嘅手沖茶係焙茶！主食方面有五至六款，今次揀咗鹽燒鯖魚同富士山御結，鯖魚外皮脆口，魚嘅油脂豐富，肉質嫩滑；富士山御結粉紅嘅外表好可愛，裏面係肉鬆沙律餡，食落甜甜地。甜品嘅櫻花福餅係紅豆餡，軟滑但偏甜。🍘◖醬油烤年糕串◗ $60年糕串甜甜地好煙韌，整得外脆內軟，連面頭塊紫菜都脆到卷起咗，仲食得出粒粒米嘅口感！係我極期待嘅小食，略嫌油咗啲啲，但都係我幾鍾意嘅小食！🍡◖宇治抹茶蕨餅白玉甜品杯◗ $80有五大粒白玉丸子，唔甜口感好煙韌！抹茶蕨餅茶味濃郁，有回甘，苦苦地同面頭嘅紅豆一齊食，甜度配合得啱啱好！🍰◖柚子芝士蛋糕◗
------------------------------
🍙◖鹽燒鯖魚+富士山御結◗ $140
定食set包咗醬油淮山漬、有兩道主食、手沖茶同埋櫻花福餅，好豐富嘅和風定食set！前菜嘅醬油淮山漬鹹鹹酸酸咁好開胃，當日嘅手沖茶係焙茶！主食方面有五至六款，今次揀咗鹽燒鯖魚同富士山御結，鯖魚外皮脆口，魚嘅油脂豐富，肉質嫩滑；富士山御結粉紅嘅外表好可愛，裏面係肉鬆沙律餡，食落甜甜地。甜品嘅櫻花福餅係紅豆餡，軟滑但偏甜。
🍘◖醬油烤年糕串◗ $60
年糕串甜甜地好煙韌，整得外脆內軟，連面頭塊紫菜都脆到卷起咗，仲食得出粒粒米嘅口感！係我極期待嘅小食，略嫌油咗啲啲，但都係我幾鍾意嘅小食！
🍡◖宇治抹茶蕨餅白玉甜品杯◗ $80
有五大粒白玉丸子，唔甜口感好煙韌！抹茶蕨餅茶味濃郁，有回甘，苦苦地同面頭嘅紅豆一齊食，甜度配合得啱啱好！
🍰◖柚子芝士蛋糕◗ $60
芝士蛋糕好creamy軟滑，柚子醬嘅味道令件cake食落更加香，酸酸地仲可以中和返芝士蛋糕嘅膩！
🍑◖完熟白桃乳酸◗ $100
粒粒日本白桃果肉，好清甜，混和埋甜甜酸酸嘅乳酸果汁，好清新消暑！
Encore指數：9.5/10
------------------------------
食物好高質，menu嘅菜式由主食到甜品都好啱胃口，絕對值得再訪！另外佢嘅咖啡都好講究㗎，每個月都有手沖咖啡精讀班！Cafe係pet friendly㗎，每逢星期日仲有駐場狗狗店主woahwoah，記得mark定時間去探佢班啦！
張貼
