影片
更多
2018-09-11
41 瀏覽
本來諗住同朋友係得寶Food court 食晚飯，但又睇唔啱食乜，咁啱朋友又話想食日本嘢，就誤打打誤撞入咗呢間同樣係得寶商場嘅居酒屋度食日本野。蟹籽沙律 頭盤首先嗌咗一個蟹籽沙律， 青瓜絲拌除蟹柳絲蟹籽以及生菜， 口感清新，作開胃菜一流。壽司壽司方面分別嗌咗赤身，左口魚，松葉蟹膏以及海鰻壽司。 本來諗住嗌拖羅，但朋友又驚太油膩所以嗌咗赤身，又估唔到赤身都好鮮味。而最有驚喜嘅係海鰻壽司，海鰻足足有手掌咁長，肉質鮮甜，而且配合鰻魚汁令海鰻更鮮味。真錭魚刺身錭魚較其他魚生淡口， 但細嚐下更能食出淡淡的魚鮮味。 隨刺身附上酸酸甜甜的醬汁， 刺身點上醬汁更能帶出魚的鮮味。味噌煮大根豬軟骨味噌湯湯底鮮味濃厚，除咗有豬軟骨嘅鮮甜味，細味品嚐下更有大根嘅清甜味。大根清甜而且吸收了味噌湯的肉味，非常可口。更值得一讚嘅，係豬軟骨肉質鮮嫩，而且豬軟骨嘅軟骨入口即溶，令人回味。串揚 - 吉列豆腐，蓮藕吉列豆腐即叫即炸，熱到十足，而且外脆內軟，食落亦唔會有好油膩嘅感覺。 蓮藕爽口鮮甜，值得一試安格斯牛肉鍋手打烏冬烏冬質地煙韌彈牙不在話下。大蔥煮得好入味，而且好爽口，作配菜一流。牛肉係半生熟上，加上滾滾嘅濃湯令牛
蟹籽沙律
頭盤首先嗌咗一個蟹籽沙律， 青瓜絲拌除蟹柳絲蟹籽以及生菜， 口感清新，作開胃菜一流。
壽司
壽司方面分別嗌咗赤身，左口魚，松葉蟹膏以及海鰻壽司。 本來諗住嗌拖羅，但朋友又驚太油膩所以嗌咗赤身，又估唔到赤身都好鮮味。而最有驚喜嘅係海鰻壽司，海鰻足足有手掌咁長，肉質鮮甜，而且配合鰻魚汁令海鰻更鮮味。
真錭魚刺身
錭魚較其他魚生淡口， 但細嚐下更能食出淡淡的魚鮮味。 隨刺身附上酸酸甜甜的醬汁， 刺身點上醬汁更能帶出魚的鮮味。
味噌煮大根豬軟骨
味噌湯湯底鮮味濃厚，除咗有豬軟骨嘅鮮甜味，細味品嚐下更有大根嘅清甜味。大根清甜而且吸收了味噌湯的肉味，非常可口。更值得一讚嘅，係豬軟骨肉質鮮嫩，而且豬軟骨嘅軟骨入口即溶，令人回味。
串揚 - 吉列豆腐，蓮藕
吉列豆腐即叫即炸，熱到十足，而且外脆內軟，食落亦唔會有好油膩嘅感覺。 蓮藕爽口鮮甜，值得一試
安格斯牛肉鍋手打烏冬
烏冬質地煙韌彈牙不在話下。大蔥煮得好入味，而且好爽口，作配菜一流。牛肉係半生熟上，加上滾滾嘅濃湯令牛肉熟得啱啱好，牛肉唔會有太熟嘅感覺，而且牛肉肥瘦適中，食落好嫩滑。
關東煮 - 蟹餅，八爪魚
食日本嘢又點可能唔食試埋關東煮，於是就輕食地選擇了蟹餅和八爪魚。
作為一間位處於平民商場嘅日本居酒屋，食物種類豐富，而且價錢合理，誠意推薦。
張貼
