影片
更多
2018-01-17
143 瀏覽
最中意就係食中菜, 尤其是係街邊檔, 所以常常出動周圍去試, 今次又比我揾到間係佐敦既正野~~~~雖然地點唔近地鐵站, 介乎係柯士甸站同佐敦之間, 我揀左係佐敦站出, A出口出左一路行大約八至十分鐘內會到, 唔係太難揾, 成日都話, 食好野無得懶, 哈哈! 一坐低就有花生等我食XD 未點食物已經掛住食~ 呢到餐點選擇十分之多, 一本餐牌已經包括左各式各樣既菜式, 無論係前菜、海鮮類、炸炒類、湯品等, 令人選擇困難症即時發作呢XD除左本身餐牌更有精選海鮮套餐, 有蒸魚、貴妃雞、蒸蚌、紅燒乳鴿等, 可以自行配搭, 價錢都係二百蚊鬆D, 好街坊價。 椒鹽豆腐 $42小食先黎個椒鹽豆腐, 呢個唔係一個主菜, 價錢都係四十二蚊, 但份量依然充足~ 同平時食既椒鹽腐相比, 呢到既係食過炸皮最薄身既!!!! 無厚厚既炸粉, 當然炸皮脆感會下降, 但偏偏咁樣就可以食到每粒豆腐既嫰滑度, 椒鹽調味唔重手, 果然係前菜version既椒鹽豆腐呢!! 海鮮餐揀左呢個沙巴龍躉配蒜蓉粉絲蒸貴妃蚌, 只係二百三十幾蚊, 究竟可以係咩質素呢? 沙巴龍躉 $238目測都有一斤既龍躉, 相當厚身, 講真自己去街市買都起
雖然地點唔近地鐵站, 介乎係柯士甸站同佐敦之間, 我揀左係佐敦站出, A出口出左一路行大約八至十分鐘內會到, 唔係太難揾, 成日都話, 食好野無得懶, 哈哈!
一坐低就有花生等我食XD 未點食物已經掛住食~ 呢到餐點選擇十分之多, 一本餐牌已經包括左各式各樣既菜式, 無論係前菜、海鮮類、炸炒類、湯品等, 令人選擇困難症即時發作呢XD
除左本身餐牌更有精選海鮮套餐, 有蒸魚、貴妃雞、蒸蚌、紅燒乳鴿等, 可以自行配搭, 價錢都係二百蚊鬆D, 好街坊價。
椒鹽豆腐 $42
小食先黎個椒鹽豆腐, 呢個唔係一個主菜, 價錢都係四十二蚊, 但份量依然充足~ 同平時食既椒鹽腐相比, 呢到既係食過炸皮最薄身既!!!! 無厚厚既炸粉, 當然炸皮脆感會下降, 但偏偏咁樣就可以食到每粒豆腐既嫰滑度, 椒鹽調味唔重手, 果然係前菜version既椒鹽豆腐呢!!
海鮮餐揀左呢個沙巴龍躉配蒜蓉粉絲蒸貴妃蚌, 只係二百三十幾蚊, 究竟可以係咩質素呢?
沙巴龍躉 $238
目測都有一斤既龍躉, 相當厚身, 講真自己去街市買都起碼百幾蚊條, 魚肉熟度岩岩好, 略嫌魚肉未能夠一拆即起到, 但咬落相當滑身同零嚡口, 確係新鮮魚先會做到呢個程度既肉感, 蒸魚豉油味咸度唔高, 但足以為魚肉提鮮。
蒜蓉粉絲蒸貴妃蚌
最驚喜一定係佢! 本身我係想叫蒸扇貝的, 但當晚黎到無扇員供應, 但錯有錯着, 呢個更得我心!!!! 呢個價位有五隻貴妃蚌已經難得, 最難得係竟然隻隻都咁大隻!! 蒜蓉夠細碎, 成啖食哂好爽!! 粉絲幾細心切成細段令人進食方便, 但面對主角貴妃蚌, 蒜蓉粉絲都要行埋一邊, 因為佢真係好好好爽口!! 一咬feel到果種鮮彈程度, 比起蒸魚更高質! 令我靜雞雞都食左大部份, 差啲食埋朋友果份!
菠蘿脆皮咕嚕肉 $88
咕嚕肉係我黎既目的之一, 對我黎講, 咕嚕肉要煮得好, 實在有太多元素要兼顧到, 所以好多都令我失望, 尤其實脆皮呢一環, 見餐牌咁把炮寫明自己係脆皮喎! 我實要叫黎試下佢真偽~~~
上菜速度超快, 連咕嚕肉都係, 急不及要試, 一咬果然係脆皮喎!! 無違反商品說明條例XD 因為脆漿都幾厚身, 每件肉都做足脆口, 不過脆口即代表肉比例上相對少D, 因為每舊肉都較薄身已唔係大大粒好厚肉果種。咕嚕汁無過酸或者過甜, 平均掛於每粒咕嚕肉上~
因為趕時間所以未試到哂想食既, 但所食都令人滿意, 相信其他食物質素都有保證, 下次再黎試試佢!!!
張貼
