嘉年華吧 (裝修中)

今晚為咗慶祝結婚周年紀念，去咗沙田一間酒店的扒房食晚餐，坐低咗先知價錢唔平，不過冇辦法啦一年一次豪少少唔緊要我哋計過散叫同叫Set最後都係覺得叫二人餐比較化算先嚟個忌廉湯同餐飽，湯一定唔係罐頭牌，入口好重菇味，食落唔會好稀仲好有質感之後上的小食拼盤，蜜糖雞翼得兩隻真係唔夠喉，外層蜜糖好脆口，而且蜜糖甜度適中，豬仔骨都好野味，其他三文魚醋沙律，薯角同芝士青口都合格到主菜我哋揀咗肉眼扒well done(因為太太食唔到生嘢)同埋和牛肉眼扒medium rare，well done都唔算好韌，但係和牛扒真係堅好食，入口溶化唔駛多講，又唔會好多血水流出嚟，就算唔駛點上醬料都超夠味(和牛肉眼扒)(肉眼扒)飲品屬一般冇咩特別，但係不得不提就係呢個蘋果批，真係即叫即做，外層酥皮好脆好香，裡面一片片蘋果好香仲有少少爽！如果外面放多少少鮮什果就更好唔講真係唔知道麗豪酒店內有間咁好食嘅扒房，整體味道極佳，不過真係一分錢一分貨，始終係酒店級數，二人餐加埋一都成千蚊！