影片
更多
2019-08-04
688 瀏覽
去到呢個星期五嘅夜晚，諗起聽日放假就相當興奮。所以呢就約咗朋友出嚟敘舊。由於行完街啦都差唔多夜晚10點，都唔知仲有啲咩可以食。我哋行咗去筲箕灣，嗰度有幾間賣串燒嘅餐廳仲未收舖。於是我哋揀咗泰榮華。入到去我哋坐咗喺個粒頭，鋪仔細細，餐牌就好多嘢食，五花八門，又食魚啦，串燒，炒野等都有得食。入面嗰啲人都係好似我哋咁喺度敘舊，所以佢哋隊住啤酒喺度吹水，好嘈，好似街市咁。佢個名已經話咗俾你知佢係一間食泰國嘢嘅餐廳。所以我哋都叫咗啲比較泰式嘅食物。首先係蝦醬炒貴刁，有別於一般嘅炒貴刁佢冇落咖喱，用咗蝦醬，炒出嚟唔係好覺有蝦醬味。但係呢就相當有鑊氣，同埋冇咩油。雖然有啲淡，但係好好味。已炒貴刁嘅配料有蝦，雞肉，蛋，芽菜同埋蔥等等。係炒貴刁嘅角度來講都幾健康。跟住係香葉肉碎炒飯，炒飯都好香而且唔會一嚿嚿。有少少甜，但係其他配料例如雞肉就中和返個甜味。都值得推介。至於串燒拼盤，有牛雞豬雞腎各兩串，仲有魷魚。串燒呢就麻麻哋，雖然火候啱啱好，但係隻醬汁太甜，同埋啲肉落得太多粉去乸，所以都唔覺得自己食緊以上嘅肉類，只係覺得食緊一堆滑潺潺嘅嘢。總括來講，佢嘅炒功係好好嘅，所以如果來食叫啲炒野會好啲。呢度就啱晒
由於行完街啦都差唔多夜晚10點，都唔知仲有啲咩可以食。我哋行咗去筲箕灣，嗰度有幾間賣串燒嘅餐廳仲未收舖。於是我哋揀咗泰榮華。
入到去我哋坐咗喺個粒頭，鋪仔細細，餐牌就好多嘢食，五花八門，又食魚啦，串燒，炒野等都有得食。
入面嗰啲人都係好似我哋咁喺度敘舊，所以佢哋隊住啤酒喺度吹水，好嘈，好似街市咁。
佢個名已經話咗俾你知佢係一間食泰國嘢嘅餐廳。
所以我哋都叫咗啲比較泰式嘅食物。
首先係蝦醬炒貴刁，有別於一般嘅炒貴刁佢冇落咖喱，用咗蝦醬，炒出嚟唔係好覺有蝦醬味。
但係呢就相當有鑊氣，同埋冇咩油。雖然有啲淡，但係好好味。
已炒貴刁嘅配料有蝦，雞肉，蛋，芽菜同埋蔥等等。係炒貴刁嘅角度來講都幾健康。
跟住係香葉肉碎炒飯，炒飯都好香而且唔會一嚿嚿。有少少甜，但係其他配料例如雞肉就中和返個甜味。都值得推介。
至於串燒拼盤，有牛雞豬雞腎各兩串，仲有魷魚。
串燒呢就麻麻哋，雖然火候啱啱好，但係隻醬汁太甜，同埋啲肉落得太多粉去乸，所以都唔覺得自己食緊以上嘅肉類，只係覺得食緊一堆滑潺潺嘅嘢。
總括來講，佢嘅炒功係好好嘅，所以如果來食叫啲炒野會好啲。呢度就啱晒一大班朋友嚟吹水。
張貼
