八沢 (已結業)

今日因為工作關係過左中上環區食飯，我就揀左去新紀元廣場既「八沢」。據稱午飯時間非常多人，但好彩12點半之前都唔係好需要等位，一去到就即刻有得入座啦！鋪頭既位置都唔係咁易搵，擾攘左一輪，又上又落先搵到。店內嘅空間其實都幾細，活動空間都幾少。見到枱面上嘅廣告寫住「黑松露忌廉海鮮烏冬」係連續六年銷量冠軍，亦係呢度嘅招牌菜，毫無懸念之下就揀咗佢啦。一上枱，心入邊忍唔住問咗一句：「點解同張相差咁遠嘅」.....不過唔叫都叫左，try try啦。佢湯頭個忌廉味好濃郁，仲有黑松露係入邊，好似飲緊湯咁。但海鮮嘅份量就比我預期中少，只有三件熟嘅三文魚，兩粒帆立貝。三文魚味道就一般啦；帆立貝就半生不熟，好食！總括黎講，呢個烏冬只屬一般質素，唔算好有驚喜。反而我見到旁邊好多人食牛扒掛烏冬，下次俾多次機會佢再嚟試試佢！