Boon (已搬遷) 新店位置

喺openrice見到呢間餐廳，就諗住試下，餐廳喺工廠大廈入面，但地鐵站出去都方便，喺門口已經聽到岩岩走嘅人話間餐廳幾好食，我地叫左明太子薯條，鰹魚熟成封門柳同虎蝦海膽意粉，飲品方面叫左伯爵茶奶泡，朱古力奶泡同乳酪雜莓沙冰，明太子薯條好食，大份而且明太子味夠濃，另外一定要試嘅係鰹魚熟成封門柳，牛柳有陣陣嘅鰹魚味，唔係太濃，唔會覆蓋牛柳嘅味道，而且牛柳好淋，一定要食！而虎蝦意大利粉方面，虎蝦唔算彈牙，相比之下失色少少。飲品方面，兩杯奶泡都好好飲，夠濃味，伯爵茶好香。而乳酪雜莓沙冰都好似，無我最怕嘅藥水味。