喬木

營業中

休息中

一入到去，見到個裝修勁靚，環境好舒服，而且服務好好，店員一入到去馬上招待，而且好客。嘢食一上到，佢預先幫我哋整理好枱面先再上菜。佢嘅牛舌定食同埋親子雞，牛舌入口即溶嘅感覺，再配埋啲辛辣嘅蔥同埋芥末醬，入口好驚喜，但可能同一般嘅牛舌較少咬口和彈性。佢嘅親子雞肉質好細嫩，而且味道唔會太重，唔會好味精，而且呢啲定食都有其他配菜、烏冬、茶碗蒸和飯。可以一次過滿足幾個願望，而且飯可以添加，飯上面仲有一啲白飯魚，成個定食好精緻，真係要寫個食評讚下，同埋佢嘅甜品一啲都唔馬虎，蛋糕入口好鬆軟，而且好有層次感！！！