影片
更多
2022-01-02
218 瀏覽
講到觀塘美食不得不提nutmad，長期都full booking，無book枱嘅話隨時嚟摸門釘。今次我哋就好彩前一日打嚟都仲有枱，先有機會試到Nutmad😋。.煙薰豬豬卡邦尼 $110（芝士脆片、豬面肉、煙腩片、意大利煙肉、蛋汁、意大利麵)嚟Nutmad必點嘅煙薰豬豬卡邦尼🍝，唔同普通西餐廳，依度餐牌寫到明唔加忌廉，而係好似正宗嘅Carbonara咁，用蛋汁做汁，食落好Creamy同Al denote 。Bacon🥓煎得好乾身，逼晒啲油出嚟，所以配埋芝士脆片整體口感好有質感。Bacon嘅味道亦帶有少少甜味，又甜又鹹，增添咗味道嘅層次感。.宮保雞丁•辣椒•意大利卷粉 $130未上枱已經聞到好辣，唔食得辣嘅👨🏽即時滴晒汗🙈。聞落唔單止辣，仲有花椒八角嘅香麻味🤣。其實一開始食都唔會覺得好辣，但嘴唇👄會不自覺有少少麻痹感。意大利卷粉好煙韌好有口感，同雞丁一樣愈食愈入味，好正。.焦糖香蕉•雪糕•法式多士 $92另一樣必點嘅一定就係依度嘅甜品啊😍！賣相係咪超吸引呢！份量都極慷慨，兩個人食，每人都可以分到大半份多士🥪。多士浸咗成晚蛋汁，超級軟綿綿，同酒店嘅法式多士有得揮！配埋焦糖香蕉、士多啤梨🍓同雪
.
煙薰豬豬卡邦尼 $110
（芝士脆片、豬面肉、煙腩片、意大利煙肉、蛋汁、意大利麵)
嚟Nutmad必點嘅煙薰豬豬卡邦尼🍝，唔同普通西餐廳，依度餐牌寫到明唔加忌廉，而係好似正宗嘅Carbonara咁，用蛋汁做汁，食落好Creamy同Al denote 。Bacon🥓煎得好乾身，逼晒啲油出嚟，所以配埋芝士脆片整體口感好有質感。Bacon嘅味道亦帶有少少甜味，又甜又鹹，增添咗味道嘅層次感。
.
宮保雞丁•辣椒•意大利卷粉 $130
未上枱已經聞到好辣，唔食得辣嘅👨🏽即時滴晒汗🙈。聞落唔單止辣，仲有花椒八角嘅香麻味🤣。其實一開始食都唔會覺得好辣，但嘴唇👄會不自覺有少少麻痹感。意大利卷粉好煙韌好有口感，同雞丁一樣愈食愈入味，好正。
.
焦糖香蕉•雪糕•法式多士 $92
另一樣必點嘅一定就係依度嘅甜品啊😍！賣相係咪超吸引呢！份量都極慷慨，兩個人食，每人都可以分到大半份多士🥪。多士浸咗成晚蛋汁，超級軟綿綿，同酒店嘅法式多士有得揮！配埋焦糖香蕉、士多啤梨🍓同雪糕🍦，大滿足🤰🏻！
.
鴛鴦走 $58
話哂nutmad都係cafe，少飲咖啡嘅我哋就叫咗杯鴛鴦走☕️試下，咖啡豆味好岀，飲得岀係靚咖啡豆，不過我哋對咖啡真係少啲認識就唔多講啦😂。
.
另外一提，店員當時推薦我哋叫Americano配宮保雞丁意粉，佢話會味道更加有層次同解辣啊🥵。
.
Nutmad無論係主食同甜品都做得好好，仲超有自信添，睇佢哋連廚房就知道啦！有幾多餐夠膽將廚房做open kitchen，唔驚俾客人睇到晒每一個步驟。招牌卡邦尼同法式多士都滿足到我哋嘅expectation，而宮保雞丁意大利卷粉其實都唔差㗎，👩🏻仲好記得當時麻麻辣辣嘅感覺，味道好鬼過癮，嗜辣朋友必試！另外仲有招牌慢煮黑毛豬，見到隔離枱枱都有叫！下次有機會再去觀塘一定要再試啊！
.
唯一美中不足就係上菜時間較慢🥲，不過揀得嚟cafe大家都預鬆啲時間嚟同朋友一路傾計，一路嘆咖啡chill吓啦🤣。
張貼
