上海榮華川菜館

營業中

休息中

上星期日，藤原君突然想去食中菜，所以就去左一間細個時去過既一間中菜館食lunch😋，雖然呢間主打街坊生意多，但質素一點都唔差！先講個擔擔麵，我發覺依家出面好多餐廳煮擔擔麵時，花生醬通常都煮唔勻，所以經常都沉底，形成一層辣油，一層花生醬既湯底😓相反，呢度既擔擔麵湯底真會煮過，除左辣外，仲帶帶一陣陣花生香味，所以都比出面既出品比較香！蒜泥白肉食落都唔錯。豬肉切得薄之外，仲好爽口。味道都好有層次，除左麻辣味外，仲帶有蒜香，雖然係有點辣，但真係食到停唔到口😋！不過價錢唔算平，建議兩人share會抵D！呢度仲有好少見既八寶茶賣。「八寶茶」用左八種唔同藥材，例如杞子和菊花等，相對比較養生！而且，八寶茶用左冰糖嚟調味，所以味道甜甜地，容易入口！我覺得呢間中菜館價錢貼地，質素都唔差，住附近既朋友，不妨去試下。