影片
更多
2025-01-15
0 瀏覽
日式淮山配世一蛋黃醬：淮山炸過，表皮香脆，裡面口感滑溜，配上濃郁嘅蛋黃醬，真係一絕！鹽燒西班牙五花腩：五花腩燒得啱啱好，鹽味適中，入口即溶！味噌松板豬：味噌嘅鹹香同豬肉嘅鮮味完美結合，肉質又夠晒鬆化。鹽燒和牛牛小排：牛肉嫩滑多汁，鹽味亦提升咗牛肉嘅原味，好味！蒜蓉菜脯燒茄子：重口味之選！茄子燒得軟綿綿，蒜蓉同菜脯嘅香味滲晒入茄子肉裡面，實在太惹味！豚肉荔枝卷、豚肉牛油果卷：豚肉包住荔枝，一咬落去，荔枝汁喺口入面爆出嚟，非常鮮甜，同豚肉亦十分夾。而另一款配搭咗牛油果，降低咗豚肉吒油膩感，味道清新。韓風燒牛肋肉：必試之選，牛肋肉燒得香口，韓式醬料嘅味道好開胃。老油條釀芝士墨魚滑：真係有驚喜，外脆內滑，芝士同墨魚滑嘅味道好夾。紫菜鵪鶉蛋卷：表面鋪滿大量紫菜，入面包裹住鵪鶉蛋，嫩滑嘅蛋同紫菜嘅脆口疊加出豐富層次感。芫荽雞絲手抓餅：好有台式風味！手抓餅香脆，裡面夾住嫩滑雞絲，仲要加埋我最愛嘅芫荽吊味，好香。味淋魚乾：雖然我哋冇叫酒，但味淋魚乾唔作為下酒菜，單單作為小食，齋食都好正，少許煙韌，加上少許香甜，充滿炙燒香，正呀！蜜糖燒菠蘿：食完咁多肉類，一定要點份燒菠蘿解一解膩感。菠蘿本身都夠清甜，喺
日式淮山配世一蛋黃醬：
淮山炸過，表皮香脆，裡面口感滑溜，配上濃郁嘅蛋黃醬，真係一絕！
鹽燒西班牙五花腩：
五花腩燒得啱啱好，鹽味適中，入口即溶！
味噌松板豬：
味噌嘅鹹香同豬肉嘅鮮味完美結合，肉質又夠晒鬆化。
鹽燒和牛牛小排：
牛肉嫩滑多汁，鹽味亦提升咗牛肉嘅原味，好味！
蒜蓉菜脯燒茄子：
重口味之選！茄子燒得軟綿綿，蒜蓉同菜脯嘅香味滲晒入茄子肉裡面，實在太惹味！
豚肉荔枝卷、豚肉牛油果卷：
豚肉包住荔枝，一咬落去，荔枝汁喺口入面爆出嚟，非常鮮甜，同豚肉亦十分夾。
而另一款配搭咗牛油果，降低咗豚肉吒油膩感，味道清新。
韓風燒牛肋肉：
必試之選，牛肋肉燒得香口，韓式醬料嘅味道好開胃。
老油條釀芝士墨魚滑：
真係有驚喜，外脆內滑，芝士同墨魚滑嘅味道好夾。
紫菜鵪鶉蛋卷：
表面鋪滿大量紫菜，入面包裹住鵪鶉蛋，嫩滑嘅蛋同紫菜嘅脆口疊加出豐富層次感。
芫荽雞絲手抓餅：
好有台式風味！手抓餅香脆，裡面夾住嫩滑雞絲，仲要加埋我最愛嘅芫荽吊味，好香。
味淋魚乾：
雖然我哋冇叫酒，但味淋魚乾唔作為下酒菜，單單作為小食，齋食都好正，少許煙韌，加上少許香甜，充滿炙燒香，正呀！
蜜糖燒菠蘿：
食完咁多肉類，一定要點份燒菠蘿解一解膩感。菠蘿本身都夠清甜，喺表面再加少少蜜糖，水果嘅甜味即時再被提升！而且個菠蘿仲多汁！
港式蜜糖多士夾雪糕：
呢件嘢原來食落去好飽架！但真係太太太好食啦！多士外脆內軟，仲要加埋香甜蜜糖，再夾住云呢拿雪糕，必試。
張貼
