大灰熊廚房 (裝修中)

經朋友介紹知道咗一間私房菜居然係將軍澳，仲可以walk in，今日就特登搭車過嚟試吓得唔得。地點係帝景灣商場但係都非常之隱蔽，係將軍澳站B出口向海邊行，之後喺條巷先入得返呢個商場。黃金豆腐粒做到皮脆內嫩，外皮調味都夠，餐前小食一流。西湖牛肉羹傳統杭州菜，做法可能有好多種，但係可能好耐冇食，味道好懷舊古早，係好多年前舊時食過嘅味道。勝瓜雲耳炒牛肉要試餐廳夠唔夠鑊氣一定要食啲小炒。呢碟佢都做到勝瓜淋滑入味、雲耳爽脆夠勁度、牛肉嫩滑多汁，手勢一流。