悅火 (已結業)

夜晚同老公經過紅磡，見到有間新開既日式餐廳，就決定試下。我地兩個叫既係$788一位既爐端燒晚餐，品質相當唔錯。🔥前菜方面既南蠻雞唔會好乾身，相反保留住雞肉既肉汁。🔥刺身兩點既中拖羅同深海池魚味道新鮮，肉質厚實。🔥茶漬飯搭配魚肉碎，高湯既茶香十足，入口飯粒突然分明，味道一流。黎到重點既爐端燒燒物八品，當然要好好介紹：🔥白鱔→肉質彈牙結實，冇腥味肉汁豐富🔥五花腩→肉既油脂分佈平均，食到好香既豬肉味🔥黃油雞翼/黃油雞胸肉 →勁大串！雞皮燒得啱啱好，咬落去會爆汁，表皮焦香，黃油味重🔥和牛串/牛小排→肉汁嫩滑，入口即溶🔥京都豆腐→口感厚實嫩滑🔥串茄→很甜，內裡爆汁而且可以望到師傅炮製料理，師傅手法純熟，非常專業，食物品質非常好，會推介其他人黎。