和將居酒小廚 (已結業)

甚少去將軍澳，次次去啲舖頭都唔同曬，今次係一個好唔起眼即商場見到呢間日本野開左，環境又唔錯就試試佢。一坐低有籃擺袋已經覺得好貼心☺叫左幾個dinner set，隨即就有飲品同蕨餅，蕨餅好好味，唔會太甜又唔會好實👍👍晚餐我叫左日式燴牛肋條烏冬，牛肋條整得岩岩好，唔會好實又肥瘦適中，啲汁好入味，連啲紅蘿蔔同薯仔都好淋好入味，另外啲烏冬好彈牙，唔會好粉，又唔會有急凍既感覺，如果啲牛肋條可以用個大少少既容器擺盤就更好，方便用沾麵既食法去試啲汁加烏冬☺☺朋友叫左滑蛋鰻魚帶子烏冬，滑蛋整得幾好，入面有少少半熟，如果可以再滑啲就更好，鰻魚都係高質既，帶子煎得岩岩好，所以整體都唔錯😍