發哥粥底海鮮火鍋 (已結業)

今朝睇完醫生，來到九龍灣打算去工廠區取我之前訂落的貨品，拎完後還有時間，就打算快快脆搵個地方醫肚，行下睇到一張海報，以為有粥食，就跟著個海報的地址去，兜兜轉轉，入左去一幢工廈，入到去仲要有度門出返去，跟著好似去到一個似後巷地方，見到張海報有度門，入到去，原來係一間茶餐廳而已。再睇清海報，原來唔係有粥食，只係佢有粥底火鍋，係自己搞錯左。不過算啦，既然黎到就去試下啦。呢度地方都幾大，仲好多人幫襯，所以呢度都係要搭枱食飯，我就安排左去一個卡位同人搭枱，呢度環境光猛，真係如果唔係地頭蟲都應該唔知有呢間野。見餐牌有湯飯食，就叫湯飯啦，我叫左個方魚肉碎湯飯和餐跟一杯飲品，我就叫了一杯檸檬水。檸檬水有三片檸檬，份量都夠。方魚肉碎湯飯都幾大碗，但方魚只係切到一條條，咬落好硬，肉碎都算多，湯底我唔覺得係用方魚一齊煲，因為湯底冇方魚鮮味，只係一碗平平凡凡的湯飯，今日病病地，覺得湯飯都算清，病食都唔錯，如果平常食就覺得佢唔合格了。其實一碗湯飯加一杯飲品都係咁既價錢，都ＯＫ啦！