寶城美食店

營業中

休息中

寶城 最出名就係佢哋嘅炸雞髀，無論每一次去食都見到每一台差唔多到一隻炸雞髀喺枱。而我就最鍾意叫佢哋嘅西汁炸雞髀飯食，佢哋嘅西汁酸酸地甜甜地配搭埋炸雞髀一流。之後我想講吓佢哋嘅主角炸雞髀，佢哋係即叫即炸嘅， 所以大家去到就要坐低等等先啦。佢哋啱啱炸出黎嘅雞髀真係皮脆肉嫩，仲成隻手掌咁大隻，適合晒所有肉食愛好者去。調味方面佢哋嘅炸雞髀識落唔會太鹹到或者太多胡椒粉等等調味料嘅味道，係我係香港食過最好食嘅炸雞髀之一。佢哋唯一嘅缺點就係唔開星期日所以大家要食就要等平日放假機會時候先食到啦。同埋佢哋營業時間都比較短，大家去之前記得留意吓先。