雪山冰廳

營業中

休息中

仲記得係深水埗店食過佢既避風塘炸脾, 留下深刻印象, 真係好鬼好食, 今日係長沙灣搵人, 係附近住既佢原來都係雪山既捧場客, 就一於去嗌餸食飯!栗子燉烏雞湯加錢就可以轉套餐, 十分建議大家揀燉湯, 因為真係足料又清甜, 熱辣辣原盅上, 好正! 蜜椒野菌薯角牛仔骨煲上枱時仲係熱到滋滋聲, 望落都見到好豐富, 野菌, 三色椒, 薯角同埋牛仔骨既份量都好足, 沾滿哂黑椒粒, 賣相係吸引既! 薯角表面仲微微脆, 牛仔骨夠腍身, 調味出色, 入口香濃黑椒味帶少少甜蜜味, 好好食! 最想一讚既係, 食到底既時候唔會成底油係度, 反之係非常乾身, 唔怪得食落特別香口又唔會覺得好油膩, 真係高質!  咸魚蓉土魷香煎肉餅6塊大大塊又厚身, 大啖大啖入口好滿足! 咸魚蓉已經完全融入左肉餅當中, 土魷則增加整體口感, 入口啖啖咸香惹味, 咬一啖再扒啖飯, 真係輕易撈到兩碗飯!麻辣銀牙韭菜花炒鮮魷幾特別既一個小菜, 唔係度度食到。麻辣味唔算好重但有其香味, 反而中意佢唔會太重口味, 唔會蓋過韭菜花既味道, 鮮魷份量多又彈牙, 又係撈飯一流!今晚叫3個小菜都好高質, 而且份量又大, 再叫埋依度既樽仔奶茶同檸茶,