美孚。友樂鮨 (已搬遷) 新店位置

食一餐omakase $1000走唔甩？ 唔怕！其實都有不少鮨店午市推出omakase,價錢係晚市既一半～這間位於美孚住宅區的鮨店推出$580午市omakase （另需加一服務費），cp值都幾高！🍃$580午市omakase 🍃🔻前菜（ 沙律、鮟鱇魚肝👍🏻、 玉子燒 ）有海底鵝肝之美稱的鮟鱇魚肝味道濃郁 甜味出眾 有「沙沙」口感玉子燒別具心思加入櫻花蝦內裡相當嫩滑🔻刺身三款（ 鮫鰈魚、粒貝、醬油漬拖羅👍🏻）鮫鰈魚 配上柚子醋同柚子皮 口感細緻 唔腥 粒貝有咬口 以青檸汁調味 配上紫蘇花更美觀 醬油漬拖羅👍🏻以柚子胡椒調味 油香滿溢 滿口油香 紋理好看🔻壽司七貫（石垣貝、仿鮄、蜜柑雕 、深海池魚、沖池魚、牡丹蝦、葉血引）石垣貝：肉質鮮甜 口感厚實 色澤好看 味道好似象拔蚌深海池魚👍🏻: 都幾厚身 唔腥 有魚肉鮮香 師傅刀工不錯 沖池魚👍🏻：口感不會像池魚太韌 相對軟身 較少脂肪 加上蔥花 好fresh葉血引👍🏻：外皮燒脆稍韌 層次豐富 有甜甜 的餘韻🔻 碎蔥拖羅，海膽，三文魚籽丼有齊港人最愛既三寶～拖羅幾新鮮無筋，選用馬糞海膽，加埋三文魚籽，好滿足🔻 味噌湯,咖啡及甜品紅豆抹茶闕餅👍🏻