影片
更多
2017-07-22
795 瀏覽
我發覺香港人好多都好鍾意食打邊爐,而我呢其中一啲唔係非常鍾意打邊爐嘅人,但係自從我星期一嘅時候去咗呢間打邊爐店之後我發覺我愛上左打邊爐。我朋友話呢間好有特色，所以我就上咗去。呢到裝修非常特別，同埋好有香港風味。牆上面有一啲好似九龍皇帝寫嘅字。又有一個細細的海鮮市場俾人揀海鮮，佢營造左一個小小舊香港嘅感覺。令人好懷念又有一種好親切覺。只係睇裝修我都令我覺得我無嚟錯，而且嗰度好有氣氛好溫馨。最得意嘅係隔離左右有唔同嘅遊客（台灣人啊外國人啦），又有本地香港人，真係好特別。地方都很乾淨都好乾淨，而且服務員嘅態度都非常友善。我同我朋友叫咗呢度最出名嘅花膠雞湯做湯底，個湯底真係好味到冇得彈。而且呢度有好多種唔同嘅食物可以選擇，而且有啲食物都非常之特別，出邊係冇嘅。最緊要係價錢公道又唔貴。我一路食一路send啲相俾D朋友叫佢哋下次一定要來呢度食。我諗我下個月都會嘅屋企人再過嚟呢邊食。以下係我今次同一個朋友叫嘅嘢食。花膠雞湯（細) $238-個花膠雞湯啲湯非常之好味，有好濃嘅雞味，又香又甜。裏面仲有好多塊花膠，我諗都有多個7至8塊花膠。啲花膠又滑又鮮甜，個湯仲好厚身有膠質，最緊要個湯裏面有一隻雞，成個
花膠雞湯（細) $238-個花膠雞湯啲湯非常之好味，有好濃嘅雞味，又香又甜。裏面仲有好多塊花膠，我諗都有多個7至8塊花膠。啲花膠又滑又鮮甜，個湯仲好厚身有膠質，最緊要個湯裏面有一隻雞，成個湯應該係㷛咗好耐先至有呢個先甜味，極品。👍🏻
新鮮大聖子（2隻）$116- 呢兩隻帶子都係新鮮係個海鮮池嗰度夾出來。每隻都大個我個iPhone好多，最緊要佢哋係肉質爽，味道甜到爆，加上放係花膠雞湯煮，有雞嘅鮮甜味，真係再好食啲。
胭脂蚌$58- 嘩，胭脂蚌好大隻，好鮮甜。夾隻蚌上嚟嘅時候，記得飲咗殼裏面的湯先食啲肉，因為嗰啲湯真係極度鮮甜，仲一啲啲嘅海水味。
小籠包魚蛋$28-呢個係一定要點嚟食，因為係出邊，我從來都未見過有呢樣野點嚟食。意外地我覺得佢好好食佢出邊係用啲蛋做嘅皮，又爽又有魚嘅清甜味，裏面又有啲好味嘅餡。
美國雪花肥牛$78-牛肉幾新鮮，又有牛肉味，都唔錯，都幾香。
魚皮餃$28-非常新鮮，快魚皮煙煙靭靱，好好食。正。
甜粟米$35-啲粟米好新鮮，而且好好好甜，值得一叫。
雪耳$32-新鮮同埋乾淨，唔錯。
皇帝菜$32-皇帝菜好新鮮，好似啱啱摘落嚟咁，而且而家唔係度都有皇帝菜叫，所以呢度有得，叫就覺得好開心。
白鱔片$98-個白鱔片都OK。
花膠雞湯（細)
$238
34 瀏覽
0 讚好
0 留言
美國雪花肥牛
$78
33 瀏覽
0 讚好
0 留言
小籠包魚蛋&魚皮餃
46 瀏覽
0 讚好
0 留言
胭脂蚌
$58
33 瀏覽
0 讚好
0 留言
新鮮大聖子（2隻）
$116
37 瀏覽
0 讚好
0 留言
甜粟米
$35
25 瀏覽
0 讚好
0 留言
雪耳
$32
24 瀏覽
0 讚好
0 留言
皇帝菜
$32
49 瀏覽
0 讚好
0 留言
張貼
