影片
更多
2022-12-05
1515 瀏覽
久聞連續十二年獲頒米芝蓮既名廚鄭錦富大名，之前未有機會拜訪上環名人坊舊店，最近得知富哥同另一米芝蓮名廚廚魔Alvin Leung 係中環合作開左新店"廚魔名人坊", 一於約埋同樣係從事飲食業又識食既好友一起去品嘗富哥既招牌菜。廚魔名人坊裝潢簡潔但貴氣，壁畫及擺設亦充滿藝術感，當然主角始終係食物，嚟之前我仲上網睇過不少富哥既訪問大致了解菜式的由來。一開始上場就先嚟"廚魔三寶"做頭盤，分別係"帶子瑤柱釀日本青椒", "香煎鵝肝蓮藕盒"及"魚子醬蟹肉小蕃茄", 用料矜貴小巧別緻，尤如高級版本既煎釀三寶，最喜歡係鵝肝處理做法，炸過後香口又濃味。"燕窩釀鳳翼"，用上油份高既鮮龍崗雞全翼去骨，再用上湯煨過既官燕毫不吝嗇咁釀滿雞翼，用籤封口後油炸鎖住肉汁。建議第一口試食時就咁先食佢既原味(小心好熱) ，雞皮極香口惹味，喜歡既可以再加少量附上既淮鹽及醬油輕輕提味，啖啖都係燕窩一嚐當富豪既滋味。"椒鹽田雞腿"，非常驚喜既一道菜，調味恰到好處，田雞肉非常新鮮炸完依然非常嫩滑，係會食完一口又一味咁追，全晚最愛既一味菜式。"涼瓜炒肚尖", 又係富哥名菜之一，一個豬肚只可以切出少量既肚尖部位，極珍貴稀有，還要經
廚魔名人坊裝潢簡潔但貴氣，壁畫及擺設亦充滿藝術感，當然主角始終係食物，嚟之前我仲上網睇過不少富哥既訪問大致了解菜式的由來。一開始上場就先嚟"廚魔三寶"做頭盤，分別係"帶子瑤柱釀日本青椒", "香煎鵝肝蓮藕盒"及"魚子醬蟹肉小蕃茄", 用料矜貴小巧別緻，尤如高級版本既煎釀三寶，最喜歡係鵝肝處理做法，炸過後香口又濃味。
19 瀏覽
0 讚好
0 留言
18 瀏覽
0 讚好
0 留言
"燕窩釀鳳翼"，用上油份高既鮮龍崗雞全翼去骨，再用上湯煨過既官燕毫不吝嗇咁釀滿雞翼，用籤封口後油炸鎖住肉汁。建議第一口試食時就咁先食佢既原味(小心好熱) ，雞皮極香口惹味，喜歡既可以再加少量附上既淮鹽及醬油輕輕提味，啖啖都係燕窩一嚐當富豪既滋味。
18 瀏覽
0 讚好
0 留言
21 瀏覽
0 讚好
0 留言
"椒鹽田雞腿"，非常驚喜既一道菜，調味恰到好處，田雞肉非常新鮮炸完依然非常嫩滑，係會食完一口又一味咁追，全晚最愛既一味菜式。
14 瀏覽
0 讚好
0 留言
"涼瓜炒肚尖", 又係富哥名菜之一，一個豬肚只可以切出少量既肚尖部位，極珍貴稀有，還要經過繁複既處理同精細既刀工切成薄片，爆炒過既肚尖爽口而不韌，口感特別，配上涼瓜同惹味豆豉，極考功夫既一道菜式。
16 瀏覽
0 讚好
0 留言
"是日養身老火湯"係鮮味既中式魚湯，用上大量細條鮮魚泡製，因為無連湯渣上所以不清楚用料，但魚味濃得嚟入口清甜，好飲。
7 瀏覽
0 讚好
0 留言
"脆皮妙齡鴿"同"富哥咕嚕肉"兩款都同樣高水準，都係香港人熟悉既味道，跟一般坊間既相比就係味道平衡同口感拿捏既分別，例如咕嚕肉既酸甜度，肉既厚薄，芡汁既濃稠等，細心既就就會食得出水準既高低，當然食嘢可以好簡單，覺得好食就夠。
14 瀏覽
0 讚好
0 留言
13 瀏覽
0 讚好
0 留言
最後係最期待既"富哥招牌炒飯"，用上湯即蒸既白飯，配料用上金華火腿，鮮嫩既細蝦肉同大量葱花，鑊氣十足飯粒分明，一向覺得炒飯係最能睇到一個中廚既水準，依個炒飯係100分滿分，非常滿足既一餐。
14 瀏覽
0 讚好
0 留言
臨走前仲見到一位膚色黝黑既知名男演員兼熱心電影投資人同富哥傾緊偈，果然不愧為名人飯堂。
張貼
