影片
更多
2024-07-14
133 瀏覽
馬德里餐廳 Tue 9th July 2024 一份巨大脆香嘅「德國爆焗鹹豬手」，充滿牛油芳香嘅「法國焗田螺」，出自於一間馬德里餐廳，located in the heart of Hong Kong: 深水埗。亞 邊個 講得好啱，我哋仍然有國際大都會嘅優勢。嚟得呢度，重點就唔應該係佢出品嘅質素。我喜歡佢嘅，除咗佢個名俾到我逃離深水埗嘅感覺之外，大大張嘅卡位梳化、四平八穩嘅餐枱（講過好多次，呢個要求真係好卑微）。無論坐喺度食嘢、傾偈、談心、傾生意、對數、作文….. 都坐得好舒服。呢度吸引唔到專才幫襯，個場唔嘈，食客們融融細語的。講返個鹹豬手+燒牛脷，大份、香脆，配料多。真係大件夾抵食，2個OL應該食唔晒。鐵板牛魔王 +50%，數唔出（？）咁多牛嘅部份。治療俾女飛嘅心情就最啱。焗田螺，牛油+香草=冇得輸。焗乜嘢都好味。最突出嘅係個甜品，Robinson菠蘿（裏面有菠蘿肉㗎，符合商品說明條例）啫喱 topped with 三花淡奶。初戀嘅感覺返晒嚟。熱檸茶、熱奶茶。千載不變香港心。
一份巨大脆香嘅「德國爆焗鹹豬手」，充滿牛油芳香嘅「法國焗田螺」，出自於一間馬德里餐廳，located in the heart of Hong Kong: 深水埗。亞 邊個 講得好啱，我哋仍然有國際大都會嘅優勢。
嚟得呢度，重點就唔應該係佢出品嘅質素。我喜歡佢嘅，除咗佢個名俾到我逃離深水埗嘅感覺之外，大大張嘅卡位梳化、四平八穩嘅餐枱（講過好多次，呢個要求真係好卑微）。無論坐喺度食嘢、傾偈、談心、傾生意、對數、作文….. 都坐得好舒服。呢度吸引唔到專才幫襯，個場唔嘈，食客們融融細語的。
講返個鹹豬手+燒牛脷，大份、香脆，配料多。真係大件夾抵食，2個OL應該食唔晒。
鐵板牛魔王 +50%，數唔出（？）咁多牛嘅部份。治療俾女飛嘅心情就最啱。
焗田螺，牛油+香草=冇得輸。焗乜嘢都好味。
最突出嘅係個甜品，Robinson菠蘿（裏面有菠蘿肉㗎，符合商品說明條例）啫喱 topped with 三花淡奶。初戀嘅感覺返晒嚟。
熱檸茶、熱奶茶。千載不變香港心。
張貼
