影片
更多
2022-12-21
436 瀏覽
今年提早食聖誕大餐😍 男朋友揀左間精緻小店食Omakase，試過後非常滿意，真心大推👍🏻👍🏻餐廳對食材十分講究，交談後得知佢地order既魚生係每日中午由日本直送，4-5點後送到店舖後即時拆箱﹑處理食材，確保品質新鮮！除左食物細節，佢地仲追求食物賣相精緻，絕對可以令你有滿足既Omakase既體驗，彷彿置身於日本一樣🥳豊用餐環境非常舒適，裝修以日系溫馨木色為主，吧檯後係山景裝飾，別緻優雅。餐廳座位唔多，可容納12位客人，每位都可以坐係吧檯前睇住師傅準備食物，務求大家享受到最優質既omakase體驗。晚市有兩個套餐揀︰「稻」$1,580 & 「豊」$1,880，美酒搭配需加$580。我地經openrice預訂「豊」+ wine/sake pairing仲有85折優惠~ 兩個人埋單平左700幾蚊架，抵食！♢ 🐟鱈魚片一坐低先上一碟小食，鱈魚片薄身到好似薯片咁，食落脆卜卜，點埋沙律醬更滋味！♢ 🍱季節小鉢 (5款)前菜擺盤好精美，心思之作，味道有驚喜！主廚介紹以N字形食法去享用︰➊ 栗子豆腐 | 豆腐口感滑溜，栗子微香。➋ 明太子薯仔沙律 | 用春卷皮包住沙律幾得意，皮薄香脆，加左明太子都唔會
豊用餐環境非常舒適，裝修以日系溫馨木色為主，吧檯後係山景裝飾，別緻優雅。餐廳座位唔多，可容納12位客人，每位都可以坐係吧檯前睇住師傅準備食物，務求大家享受到最優質既omakase體驗。晚市有兩個套餐揀︰「稻」$1,580 & 「豊」$1,880，美酒搭配需加$580。我地經openrice預訂「豊」+ wine/sake pairing仲有85折優惠~ 兩個人埋單平左700幾蚊架，抵食！
♢ 🐟鱈魚片
一坐低先上一碟小食，鱈魚片薄身到好似薯片咁，食落脆卜卜，點埋沙律醬更滋味！
♢ 🍱季節小鉢 (5款)
前菜擺盤好精美，心思之作，味道有驚喜！主廚介紹以N字形食法去享用︰
➊ 栗子豆腐 | 豆腐口感滑溜，栗子微香。
➋ 明太子薯仔沙律 | 用春卷皮包住沙律幾得意，皮薄香脆，加左明太子都唔會太辣，口味偏淡。
➌ 沖繩水雲 | 沖繩產既水雲口感較肥厚，酸甜開胃。
➍ 蝦卷 | 外層加左櫻花蝦黎炸，香脆鹹香。入口係飽滿結實既蝦肉，幾有驚喜！
➎ 梅酒蕃茄 | 用梅酒醃得均勻，入口juicy，口感似提子咁清甜。
♢🎣時令刺身 (7種)
以為omakase單食刺身？Nonono~ 師傅好用心咁用左唔同烹調方法去帶出食材既鮮味，賣相又精緻，7款都好有誠意！
➊ 🦪生蠔 | 來自岩手縣広田灣，肉身飽滿，蠔味香濃。由於我地都唔鍾意生食，師傅轉用煲湯方法黎煮熟，湯頭鮮味十足，忍唔住飲哂佢。
➋ 🦀香箱蟹 | 來自北海道既雌性香箱蟹，由於12月係準備產卵既季節，所以特別多蟹籽同蟹膏。蟹蓋內係滿滿既蟹肉，啖啖鮮甜。試過蟹肉原味後，可以撈埋啫喱一齊食，入口酸酸甜甜，又意外地醒胃。
➌ 🦐馬糞海膽 x 白蝦 | 海膽來自北海道，呈橙黃色，入口鮮甜，質感細膩。白蝦來自富山灣，新鮮爽滑。師傅已經預先落左豉油同wasabi，份量剛好，將魚生味道昇華。
➍ 🐟鰤魚 | 師傅用左10kg以上既鰤魚，如果得2-3kg就只係油甘魚，可見真材實料~ 鰤魚脂肪層特別厚，魚香味濃。先食刺身版，用左上腩位，入口即溶。另一件係淨腩位，用備長炭輕炙過，逼出油份，多左份煙燻炭香味更加正！
➎ 🥪吞拿魚三文治 | 呢個不得了，一試難忘！來自奄美大島既吞拿魚，色澤鮮紅，魚紋好靚。師傅揀選左3個部分，分別係赤身、超拖羅、安拖羅，魚味濃郁，入口即溶。拖羅用備長炭火炙過，逼出豐富油脂，煙燻香味無法抗拒。餅皮用左日本最中餅(Monaka)，姐係好似威化餅咁，中間夾左紫蘇葉，再加上外層紫菜，口感爽脆又層次感豐富，香氣四溢。
➏ ⚪️鱈魚白子 | 來自北海道。生食白子會感覺難以入口，但師傅用香煎方法處理白子後又幾好味。白子口感綿滑之餘帶點煎炸味，面層灑上烏魚子碎，增添鹹香，有驚喜！
➐ 🥨鮟鱇魚肝 | 來自宮城。慢煮後再熬成一個醬汁，入口軟綿綿，面層仲加左法國魚子醬。再配以自家製米通，香脆可口，又淋又脆既口感非常豐富，搭配得好好。米通顏色偏深，原來用左壽司飯去整，帶少少酸味。
♢ 🔥季節一品料理
喜知次 | 師傅用左汁煮方法，好處係令到魚身比較滑溜，魚皮充滿油脂甘香，令人唇齒留香。仲添加左d蘿蔔同冬菇，索哂高湯後非常鮮甜同入味。無諗過食omakase都可以食到珍貴魚王，非常滿足呀！
♢ 🍣特上手握壽司 (9貫)
師傅整壽司前會先比3款自家製漬物享用︰生薑片﹑柚子漬蘿蔔﹑沖繩苦瓜漬。3款都好易入口，味道清爽，幾適合食壽司前可以清一清味蕾。以下壽司都會預先添加左豉油同wasabi，食得更加方便。
➊ 石垣鯛 | 來自天草縣，油脂豐富，入口煙韌。入面加左少少蔥，頂層加左酸汁蘿蔔。
➋ 帆立貝 | 手撕北海道新鮮帶子，保留原味道，清楚見到一絲絲纖維，入口比普通帶子更甜。頂層灑上竹炭鹽提味。
➌ 目鯛 | 來自千葉縣深海既地甘目鯛。平時鯛魚多數來自九州或東京，千葉鯛魚比較肥美，魚味更加出。
➍ 池魚 | 深海池魚，肉質肥美，魚油甘香。頂層加左紫菜醬提鮮。
➎ 泥障魷魚 | 來自鹿兒島，係魷魚品種中最甜。師傅已細心地切好一條條，入口更舒服，頂層灑上烏魚子碎，帶點鹹香。
➏ 馬糞海膽 | 來自北海道，入口鮮甜，質感細膩。最驚喜係塊紫菜非常脆，師傅仲提醒我地影完相要盡快食，以免紫菜變淋左。
➐ 梭子魚 | 魚肉鮮香，魚皮油脂豐富。
➑ 銀鱈魚 | 來自北海道既bb銀鱈魚，bb魚會較滑身，油份較重。入面加添白松露醬，再以備長炭炙燒過，逼出豐富油脂香味。
➒ 鰻魚 | 來自長崎縣既Anago(穴子)。用汁煮慢慢煮淋後，以備長炭輕輕燒熱。秘製醬汁煮得入味，魚身滑溜又軟綿綿，入口即溶。
師傅驚我地唔夠飽 (我地個樣睇落好餓?)，私人送多個手卷比我地~ 開心又滿足呀！
香蔥吞拿魚腩手卷 | 紫菜超脆，入面添加左米通，再加上軟綿綿既吞拿魚腩，口感更豐富。長形手卷較正宗，由頭食到落尾都有哂所有材料同飯，同較現代化既三文魚手卷唔一樣。
♢ 🫕吸物
雜菌麵豉湯，麵豉味道香濃，算幾唔錯。
♢ 🍈甜品
蜜瓜 | 來自熊本，生熟岩岩好，入口清甜。特別之處在於可以選擇加Whisky，增添少少酒味又唔會搶過蜜瓜既甜味。
焦糖布甸大福 | 皮薄軟滑，口感煙韌，紅豆餡料軟綿綿。
♢ 🍶Wine/Sake Pairing
另一位服務員都好nice，主要負責wine pairing，了解我地飲酒喜好後再作推介，專業又細心。今次試到既sake味道都幾易入口，唔會太嗆。
一坐低先黎杯New Zealand白酒醒胃，味道較酸。
Nudy+純米大吟釀 | 福岡縣 | 山田錦米 | 酒精度15% | 口感中性，似葡萄酒
加茂錦 黃水仙 | 新潟縣 | 岡山縣米 | 酒精度13% | 清新口感，餘韻爽快
天賦 純米吟釀 | 鹿兒島 | 山田錦米 | 酒精度15% | 香氣強勁，甜味溫和
天賦 純米吟釀 | 兵庫縣 | 愛山米 | 酒精度15% | 水果味濃， 米香餘韻較長
梅乃宿 純柚子酒 | 四國&九州出產柚子 | 酒精度8% | 入口酸中帶甜，感覺清爽
值得一讚既係豊既服務相當好👍🏻 當日Head Chef梁師傅手藝非常好，再加上專業講解，完全感受到佢對日本菜既認識同熱情！最鍾意Omakase可以同廚師交流，望住佢地準備食材真係好似睇左一場表演咁~ 餐廳仲有唔少加分位🌟
✔️一去到就幫我地掛起外套~
✔️師傅特登比張魚生「出世紙」我地打卡影相~
✔️師傅拎左一條原整生葵出黎，新鮮即磨wasabi，口感軟綿綿。
✔️夾起鮟鱇魚肝影相時唔小心跌散左，師傅主動話要重新整一個新既比我，勁好！
✔️師傅驚我地唔夠飽，免費offer多一個手卷比我地食，勁正！
✔️每次收碟時都會講多謝，令客人感受到尊重。
✔️炙燒壽司唔係用火槍，而係用成本較貴既備長炭，可以保存食物既鮮味同肉汁，高質！
呢餐佳餚美酒😍 擺盤夠精美，魚生夠新鮮，熱食又別緻，簡直多重享受！所有野都正到無得挑剔呀💯 前後食左20幾樣野再加6杯酒先人均$2k，價錢合理~ Dinner set比較多菜式，下次可以試埋佢個lunch set先~ 值得回頭✅✨
張貼
