影片
更多
2023-01-19
821 瀏覽
如果有行過銅鑼灣東角，我諗都不難發現有一間打卡餐廳「Lúa」 ，因為餐廳佔地兩層，而且掛滿燈籠🏮，非常搶眼。打卡Cafe四周圍都係，但食越南野就比較少見🇻🇳。我哋星期六嚟食，好彩有預先訂定枱，Walk-in未必有位，並同時有幸坐喺樓上户外最矚目嘅打卡位📸，而且感覺仲涼爽啲。室內係完全坐滿人㗎，人氣極高。餐廳採用QR Code落單，菜式選擇繁多，並唔係單單提供一般牛河或撈檬等大路款式，但定價亦相對較高🙈。香茅檸檬葉焗越南農場少女雞($388)，店員推介我哋試呢個期間限定燒雞🐔。佢話份量唔細，果然無呃人。店員會先拎原隻剛出爐嘅燒雞出嚟比我哋影相，然後先拎返入廚房拆件。錫紙盤下低放咗大量鹽、香茅同檸檬葉等，伴同少女雞一齊焗製，所以就算唔蘸任何醬汁都已經好夠味🤤。佢另外附上嘅香茅汁則能進一步提升滋味。雞肉雪白，無乜太多脂肪，所以肉質偏結實🍗。兩個人食成隻雞有啲多，如果加啲配菜調和一下(例如薯仔同蘿蔔等)，就感覺冇咁單調。檸檬羅勒炒碎米飯伴柑桔鷄翼及豬腩肉串($128)，本身驚呢個飯同香茅雞會撞味，不過係唔同的。🍚炒飯好清新，用上碎米(我估即係小米?)，食落無咁飽滯，而且飯粒呈香草綠色💚，充滿檸
如果有行過銅鑼灣東角，我諗都不難發現有一間打卡餐廳「Lúa」 ，因為餐廳佔地兩層，而且掛滿燈籠🏮，非常搶眼。打卡Cafe四周圍都係，但食越南野就比較少見🇻🇳。
我哋星期六嚟食，好彩有預先訂定枱，Walk-in未必有位，並同時有幸坐喺樓上户外最矚目嘅打卡位📸，而且感覺仲涼爽啲。室內係完全坐滿人㗎，人氣極高。
餐廳採用QR Code落單，菜式選擇繁多，並唔係單單提供一般牛河或撈檬等大路款式，但定價亦相對較高🙈。
香茅檸檬葉焗越南農場少女雞($388)，店員推介我哋試呢個期間限定燒雞🐔。佢話份量唔細，果然無呃人。店員會先拎原隻剛出爐嘅燒雞出嚟比我哋影相，然後先拎返入廚房拆件。
香茅檸檬葉焗越南農場少女雞
$388
26 瀏覽
0 讚好
0 留言
錫紙盤下低放咗大量鹽、香茅同檸檬葉等，伴同少女雞一齊焗製，所以就算唔蘸任何醬汁都已經好夠味🤤。佢另外附上嘅香茅汁則能進一步提升滋味。雞肉雪白，無乜太多脂肪，所以肉質偏結實🍗。兩個人食成隻雞有啲多，如果加啲配菜調和一下(例如薯仔同蘿蔔等)，就感覺冇咁單調。
檸檬羅勒炒碎米飯伴柑桔鷄翼及豬腩肉串
$128
21 瀏覽
0 讚好
0 留言
伴旁有幾多餸，包括肉鬆、蝦片、柑桔鷄翼同豬腩肉串等。雞翼類似越式牛油雞翼嘅炸法，但同時帶柑桔香🍊。豬腩肉串好高質，富有燒烤嘅香氣，而且腩位帶脂肪，燒起上嚟份外香口。
甜品方面，我哋本身係嗌香蕉椰奶冰($98)，一客有六件，但店員話得返四件，問我哋轉一份越式牛油果慕絲配自家製椰子雪糕好唔好，當然好啦😆，一個價錢可以試晒兩款越南地道甜品喎。椰奶冰冰感十足，花生味好重，香蕉肉融入其中🍌，沾煉奶食，甜蜜蜜。牛油果慕絲還原度極高，好似真係食緊牛油果咁🥑，無乜多餘嘅甜味，再配埋椰子雪糕食好夾。
凍越南百分百甘蔗汁配鹹柑桔($42)，百分百甘蔗汁真材實料，甜度強但自然，亦未甜到起痰嘅程度🥤。鐵杯入面有粒鹹柑桔，怕甜嘅可以篤多幾吓，不過我就唔太鍾意，因為太搶味，我認為原汁原味好飲啲。
我哋雖然坐喺室外，但都聽到室內有Live Music唱歌表演🎤，唱緊廣東歌，啱聽、好聽！
總括嚟講，估唔到打卡餐廳嘅出品都唔錯，菜式具自家特色，而我就最鍾意個炒飯🥢。最後，店員們服務態度幾好，有禮貌，抵讚。
張貼
