影片
更多
2006-07-15
2 瀏覽
冇咩原因只係想食下飯飲下酒吹下水咁簡單就攪個同事飯聚,有人提議下就去呢樹試一試,去到因自攜酒關係問d阿姐拎個冰桶冰下d酒,點知答覆係冇雪喎,真奇怪不過阿姐都幫我地雪左支酒係雪櫃先XO醬肉鬆炒蟶子(加大) -- 蟶子好鮮甜但同XO醬肉好似唔太夾, 蟶子還蟶子o既味XO醬肉還XO醬肉味,感覺似食緊兩碟野咁!鬼馬–油炸鬼釀鯪魚膠加上用沙律醬汁但令到油炸鬼淋晒,入口酸酸地幾開胃但自己喜歡外面冇汁o既鬼馬多因鍾意比較香口d富貴黃金蠔–似炸生蠔但粉唔厚加上有咸蛋,食落蠔鮮而帶咸蛋香,唔錯!是但–原來係海鮮蒸蛋白, 蛋白都嫩滑但d海鮮煮得太老,感覺普通普通炸豬手–炸得剛剛好唔會過晒火,送酒佳品籠仔蝦飯(大) –蝦好鮮味加上蒜蓉香另飯底都吸收左d蒜蓉同蝦o既味而又唔會太濕,好食!欖菜肉鬆四季豆–普通黑椒牛柳粒–師父功力太勁,只係清晒d配菜,可以唔食!南乳碎炸骨–炸得好好肉質唔會乾柴柴咁同炸豬手一樣都係送酒佳品椒絲唐生菜–望落感覺好油,普通埋單$820唔算貴加上食物都有一定水準,但環境真係唔太得唔係話要咩裝修至少保持乾淨少少,特別成個場得o個幾架風機係度吹下吹下真係好鬼熱(夏天真係咪攪),再問阿姐有冇得
XO醬肉鬆炒蟶子(加大) -- 蟶子好鮮甜但同XO醬肉好似唔太夾, 蟶子還蟶子o既味XO醬肉還XO醬肉味,感覺似食緊兩碟野咁!
鬼馬–油炸鬼釀鯪魚膠加上用沙律醬汁但令到油炸鬼淋晒,入口酸酸地幾開胃但自己喜歡外面冇汁o既鬼馬多因鍾意比較香口d
富貴黃金蠔–似炸生蠔但粉唔厚加上有咸蛋,食落蠔鮮而帶咸蛋香,唔錯!
是但–原來係海鮮蒸蛋白, 蛋白都嫩滑但d海鮮煮得太老,感覺普通普通
炸豬手–炸得剛剛好唔會過晒火,送酒佳品
籠仔蝦飯(大) –蝦好鮮味加上蒜蓉香另飯底都吸收左d蒜蓉同蝦o既味而又唔會太濕,好食!
欖菜肉鬆四季豆–普通
黑椒牛柳粒–師父功力太勁,只係清晒d配菜,可以唔食!
南乳碎炸骨–炸得好好肉質唔會乾柴柴咁同炸豬手一樣都係送酒佳品
椒絲唐生菜–望落感覺好油,普通
埋單$820唔算貴加上食物都有一定水準,但環境真係唔太得唔係話要咩裝修至少保持乾淨少少,特別成個場得o個幾架風機係度吹下吹下真係好鬼熱(夏天真係咪攪),再問阿姐有冇得開大d個涼風機點知話”已經較到最大啦,你飲左酒緊更係熱啦!”吓,唔係化!我都成日去第度食飯飲酒喎又唔見有咁o既情況…..另上菜都有d問題,我地分開3次落單,第一次d菜上得7788就叫第2轉叫左2個菜但追單追到暈之下只黎左一碟,最後叫到第3轉再等一陣先一次過黎晒!
張貼