桔梗 (已結業)

今晚女兒約咗我去旺角桔梗食晚飯，餐廳地方頗大，裝潢擺設好有年青人色彩，設有開放式廚房，見到一班年輕人熱情地工作。女兒點了雙人日式套餐，清酒香氣較溫和，味道較濃厚。 涼拌毛豆，毛豆飽滿，配清酒好啱！三種小菜（三杯杏包菇 牛蒡 芝漬），味道酸甜，都是爽口的開胃小食。炙烤鮪魚半生魚片佐芥末蛋黃醬：生魚片炙燒也很好吃喔，中間還是生的鮪魚相當美味同時保留肉的軟嫩，加上芥末蛋黃醬，味道更佳。炸雞與台式五味醬：即叫即炸，雞肉冇骨啖啖肉，肉質鮮嫩，配台式五味醬酸甜可口。熱炒魷魚拌明太子醬：魷魚熟度炒得剛剛好，食落彈牙唔會韌，伴以明太子醬增加口感和鮮味。京蔥檸檬味噌豬腩：豬腩肥瘦適中，豬腩肉兩面燒至微黃色，肉質爽口又入味，點些蜜糖味道更佳。茶漬兩碗 內有溏心蛋，一碗係三文魚茶漬飯，另一碗係明太子茶漬飯，用珍珠米煮，湯底清甜，溏心蛋滑溜入味。最後是甜品，芝士蛋糕甜度適中，口感滑溜。