媽咪雞蛋仔

營業中

休息中

朋友都知道我好鍾意食雞蛋仔！每次食都覺得有一種好幸福嘅感覺！我最鍾意就係媽咪雞蛋仔！外脆內軟富蛋香，咬開鬆脆嘅外層，裏面軟綿綿嘅質感，即叫即整，冬天食更加係暖笠笠！今個秋冬「媽咪雞蛋仔」首次推出期間限定牛油果朱古力雞蛋仔，牛油果表示控非常期待！鍾意鹹口味嘅可以試吓我呢個雙重芝士雞蛋仔車打芝士加埋mozzarella，雙重芝味！烘完嘅芝士脆脆地，啖啖芝味！yummy另外朋友都點左一個黃金雞蛋仔，每一粒都食到鹹蛋黃碎，邪惡又美味！媽咪雞蛋仔仲有好多飲品可以選擇，冬天加番一杯暖笠笠嘅熱生薑蜜，滿分！