影片
更多
2018-08-22
508 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！雞味濃只係開業短短兩個月，但各食家對其好評不絕，小店標榜【百年傳承，古法祕方，真正雞之專家】，今日就同女友本住潮聖同支持小店嘅心態來品嚐一下！雞味濃位於太子站A1出口，走路兩分鐘就到，加上大大個招牌，方便易找！門外有外賣餐牌，我同女友笑言，如果住附近的話一定會晚晚落黎幫襯，價錢非常親民，分分鐘平過自己煮，慳水慳力！店面唔大，一半廚房，一半餐桌，可以容納15位人客左右，空間唔算鬆動。餐廳有兩條line，一係食雞，一係食家常蒸餸，套餐最平$42，最貴都不過係$48，已經有埋老火湯、油菜同飯，飲品亦可另加，係鬧市黎講真係好抵食！正當我同女友苦惱緊食邊款雞之際，突然諗到可以外賣多一份俾老媽子做宵夜，咁就可以試哂霸王、沙薑同豉油雞！女友點嘅霸王雞套餐，先講老火湯，
雞味濃只係開業短短兩個月，但各食家對其好評不絕，小店標榜【百年傳承，古法祕方，真正雞之專家】，今日就同女友本住潮聖同支持小店嘅心態來品嚐一下！
雞味濃位於太子站A1出口，走路兩分鐘就到，加上大大個招牌，方便易找！
門外有外賣餐牌，我同女友笑言，如果住附近的話一定會晚晚落黎幫襯，價錢非常親民，分分鐘平過自己煮，慳水慳力！
店面唔大，一半廚房，一半餐桌，可以容納15位人客左右，空間唔算鬆動。
餐廳有兩條line，一係食雞，一係食家常蒸餸，套餐最平$42，最貴都不過係$48，已經有埋老火湯、油菜同飯，飲品亦可另加，係鬧市黎講真係好抵食！
正當我同女友苦惱緊食邊款雞之際，突然諗到可以外賣多一份俾老媽子做宵夜，咁就可以試哂霸王、沙薑同豉油雞！
女友點嘅霸王雞套餐，先講老火湯，無味精，火喉足，先飲湯有種番到屋企食飯嘅感覺！套餐份量超大，賣相吸引，上面有蔥、炸蒜、辣椒絲同薑絲。雞如其名，味道重，將所有野撈埋一齊加埋淋上面嘅醬汁，風味極佳，最精彩莫過於底下嘅芽菜，吸收哂所有精華，撈飯食仲正，我同女友都爭住食！由於減肥嘅關係所以叫左雞胸，雖然係胸但都好嫩滑，雞皮好薄，皮下有少少黃油，肉質嫩滑不膩！隨餐附送嘅菜莆更加畫龍點睛，但薑蓉就無乜點過，因為已經好夠味！
老火湯
33 瀏覽
0 讚好
0 留言
霸王雞
43 瀏覽
0 讚好
0 留言
霸王雞
27 瀏覽
0 讚好
0 留言
霸王雞
26 瀏覽
0 讚好
0 留言
我點嘅半隻豉油雞，又係減肥唔想食白飯所以無叫套餐，雖然唔係套餐但一樣送湯，另外加$12要左碟菜。我對豉油雞有種情義結，大概係因為我鐘意佢個種咸咸地甜甜地嘅豉油香，有D似煲仔飯豉油咁！雞味濃係控制豉油汁嘅咸甜度平衝做得非常好，鮮、咸、甜共冶一爐，恰如其份，可見師傅功力！難怪成為店內最暢銷嘅雞，當晚有好幾位客人想買外賣都空手而回！
豉油雞
42 瀏覽
0 讚好
0 留言
豉油雞
35 瀏覽
0 讚好
0 留言
豉油雞
42 瀏覽
0 讚好
0 留言
豉油雞
35 瀏覽
0 讚好
0 留言
豉油雞
22 瀏覽
0 讚好
0 留言
而打包俾老媽子嘅沙薑雞，肉質嫩滑，雞味濃郁，配埋沙薑油又係一絕！
沙薑雞
42 瀏覽
0 讚好
0 留言
至於點解話佢人情味濃？係因為店員好熟識D熟客，經常同街坊打招乎，入到店又會熱情推薦佢地食乜有乜野新鮮魚，有人買外賣又好熱切地提醒客人番到去記得開蓋抖下氣免得變壞，店員間亦都好有互動，好多時店員A重覆幾次ORDER俾店員B都無炸型，有講有笑！你去過就一定會感受到！另外服務都好好，廚房唔記得我碟油菜全走都二話不說即刻整過碟俾我，抵讚！
咁嘅價錢有咁嘅水準，真係食到賺到，小店值得大家支持一下！
張貼
