廣東名門 (三聖市場)

營業中

休息中

前排食開年飯，同事揸車去咗三聖食海鮮。我個同事好耐冇入嚟三聖，佢見到個牌匾非常驚訝，話海鮮街比舊時靚咗好多。我哋就响餐廳對面嘅楊合利買海鮮。今次係我第三次幫襯廣東名門。呢間餐廳有兩間舖，好彩今次嘅位置响前鋪，上次嘅後舖座位好逼，而且冷氣唔夠。象拔蚌刺身鮮甜無比，不過我諗係海鮮店嘅功勞，餐廳提議用象拔蚌個膽煲粥，又的確唔錯喎！豉椒炒蟶子—— 一如以往夠入味蒜蓉粉絲蒸扇貝——呢度餸其實唔難整，所以我要求比較高，啲扇貝有少少蒸過龍椒鹽賴尿蝦 ——椒鹽味同賴尿蝦好似反左面，完全唔入味，好彩賴尿蝦本身新鮮搭救鹽焗奄仔蟹——呢個係賣飛佛，啲奄仔蟹焗得啱啱好，保留到蟹嘅鮮味。見到好多人話呢間服務好差，今次又OK喎，阿姐有講有笑，咁繁忙都頻頻換碟。我哋雞年一定行大運！😬此行每人$6xx, 新年海鮮餐算唔貴啦。