一品雞煲火鍋

營業中

休息中

成日聽人講一品雞煲好正, 但睇網上食評話環境唔乾淨, 所以一直卻步, 今次朋友介紹試旺角店, 見食評OK, 就試試啦。去到餐廳樓下有少少R底, 因為餐廳位於一個好噏耷格仔店樓上, 心諗一陣食食下要去厠所就大檸樂。上到去安心少少, 格局幾四正, 坐低即叫雞煲, 都幾正, 雞幾滑，辣辣哋幾惹味。食完雞煲食火鍋, 呢間係一般雞煲店做法 -- 直接倒湯底落雞煲當火鍋湯底, 咁我就麻麻地, 好油, 又有少少窿味, 我寧願加錢換過個新湯底。整體來講, 雞煲味道唔錯, 厠所環境衛生都OK, 邊爐就一般。