倫哥尚品火鍋私房菜 (已結業)

呢間餐廳可以一次過食晒刺身、雞煲同埋打邊爐，而且都係用咗半任食嘅模式，所以唔使驚食唔飽。一開始嚟咗兩碟小菜頂一頂肚先，分別係四季豆同埋木耳，佢哋都係用咗啲酸酸辣辣去調味，食落唔會話太辣，都令人有多咗胃口。木耳同埋四季豆都好爽唔會話太林。之後就到魚生，係以人頭去計份量，每人一兩件到。味道都幾新鮮，不過不失，不過鐘意食嘅朋友可能會厭唔夠喉，但之後大把野比你食。去到雞煲，要煮去八分鐘先，每兩分鐘就有個侍應姐姐哥哥泥攪下佢再焗返。成個過程都好虐心同細心。見住啲雞好肚餓但佢地又好好人幫忙煮。啲雞好入味，不過小辣唔係好夠辣，味道好似咖哩咁。到後期可以加啲豬皮、牛栢葉同魷魚。同埋雞煲係可以任添架。打邊爐有得揀龍蝦或者蟹，到後期龍蝦已經無晒啦所以唯有揀蟹煲。有個海鮮拼盤，有象拔蚌啊蟹啊蝦啊鮑魚仔等等，都幾新鮮，只要海鮮係新鮮嘅都會好好食。牛肩肉都幾特別，唔似一般嘅肥牛，食落好有口感唔會好似肥牛咁咬兩下就無咗，而且牛味都好出。其他配料例如菇啊、菜類、響鈴等都係可以再叫架。