前家樂餐廳火鍋店 (已結業)

近呢幾日天氣開始涼返，秋天就黎啦～又係開始大量食火鍋，雞煲既最佳季節。今日同幾個好耐無見既中學同學聚會，有人提議食雞煲，大家都舉手贊成。今次揀呢間雞煲店係大角咀，奧運站行過去大概5分鐘左右，門口已經見到有好大張menu寫住有唔同既雞煲選擇。我地點左個麻辣雞煲同醉雞煲，口感真係完全唔同。麻辣雞煲係好香好惹味，有唔同辣度可以選擇，而且佢哋用既雞好嫩滑，就算煲得耐但係都唔會好快老。醉雞煲就真係好有驚喜，因為用左花雕酒去整，所以酒香味好濃郁撲鼻，所有雞塊都吸晒花雕酒的香味，特別係而家秋冬天開始就更加啱食，食完一定暖笠笠！食完醉雞之後再落其他配料都好正，不論係麻辣煲定醉雞煲都好match，火鍋料選擇都好多而且好新鮮！