前家樂餐廳火鍋店 (已結業)

早排見人係Facebook分享呢間火鍋店，個名夠晒出，仲有想試好耐既芝士雞煲，心動不如馬上行動，即刻約埋朋友仔去試下先。鋪頭比較近奧運站，唔算難搵。一入去可能平日的關係，客人唔算特別多。見網上面大部份人都係推介芝士雞煲，我地當然唔執輸即刻叫個先。黃金芝士雞煲估唔到芝士雞煲仲可以配辣喎，而且麻同埋辣既程度都可以選擇，芫茜、芹菜、洋蔥等等既配菜都俾你揀份量。一上台是幾片芝士鋪係面，引得人口水直流。煲滾左之後，芝士亦都開始溶，均勻咁佈滿係面層雞件上，但美中不足的地方是芝士份量略嫌少了一點，只得面層的雞件可沾到芝士，下層的則麻辣味比較重。但值得一讚的是雖然只叫了半隻雞，但雞肉數量頗多，不會像別的餐廳般大部份只是雞骨。芝士竹輪芝士愛好者當然唔可以放過，普通獅子狗已經滿足唔到我啦。咬開一半，入邊既芝士即刻湧出來，好滿足啊。唐生菜菜既款式好多，我地就揀左唐山菜。夠新鮮夠健康。三式餃子有鮮蝦雲吞、韭菜餃、魚皮餃，一次過滿足晒我三個願望。韭菜餃入邊個餡好香，雖然唔太大件，但呢個份量岩岩好。雙拼滑(蝦、墨魚)呢度既蝦滑、墨魚滑絕對值得一試。而且係手打，食得出非常彈牙。份量夠多，我地食極都仲有。就咁睇＄98