影片
更多
2021-06-11
445 瀏覽
星期日夜晚嚟咗幫襯灣仔嘅「Wingman」，估唔到地點唔算太就腳，但仍然全場爆滿👏，相當厲害。樓面店員唔多，我哋食幾耐，就見佢哋忙足幾耐，都有啲戥佢辛苦🙈。餐廳有兩層，不過樓層面積唔大，座位有限。儘管如此，佢無為咗坐多啲客而令餐枱變逼夾，枱與枱之間留咗適當嘅通道位，亦放上隔板👍。但我就略嫌冷氣唔夠強勁，食食吓有啲熱。講返食物先，未睇餐牌前已經先俾佢枱面張餐紙吸引😍。紙上面嘅相片全部都係雞翼，係各款唔同口味嘅雞翼模樣。睇見啲相令人食指大動！餐廳有做雞翼放題🍗，分幾個級別：1️⃣$138包三款雞翼任食；2️⃣$198包十款雞翼任食加指定飲品任飲以及；3️⃣$268包十七款雞翼及薯條任食再加指定飲品任飲。經過認真評估食量之後，我哋決定單點會比較適合😛。雞翼簡單分為兩類－乾身同埋濕身，選擇非常多，有好幾款特別吸引，最終我哋要咗日本蜂蜜芥辣($69/6隻)。🍯呢款雞翼非油炸，而係塗上蜂蜜再拎去烤焗，感覺冇咁熱氣，味道甜甜哋，但芥辣方面就較為失色，因為只係反映咗喺嗰一粒綠色Wasabi上面。題外話，如果一份單點雞翼可以揀多於一款口味就好啦。另一邊廂，餐廳現時有一個好抵嘅優惠🈹，就係Crunch Time脆雞漢
星期日夜晚嚟咗幫襯灣仔嘅「Wingman」，估唔到地點唔算太就腳，但仍然全場爆滿👏，相當厲害。樓面店員唔多，我哋食幾耐，就見佢哋忙足幾耐，都有啲戥佢辛苦🙈。
餐廳有兩層，不過樓層面積唔大，座位有限。儘管如此，佢無為咗坐多啲客而令餐枱變逼夾，枱與枱之間留咗適當嘅通道位，亦放上隔板👍。但我就略嫌冷氣唔夠強勁，食食吓有啲熱。
講返食物先，未睇餐牌前已經先俾佢枱面張餐紙吸引😍。紙上面嘅相片全部都係雞翼，係各款唔同口味嘅雞翼模樣。睇見啲相令人食指大動！
餐廳有做雞翼放題🍗，分幾個級別：1️⃣$138包三款雞翼任食；
2️⃣$198包十款雞翼任食加指定飲品任飲以及；
3️⃣$268包十七款雞翼及薯條任食再加指定飲品任飲。
經過認真評估食量之後，我哋決定單點會比較適合😛。雞翼簡單分為兩類－乾身同埋濕身，選擇非常多，有好幾款特別吸引，最終我哋要咗日本蜂蜜芥辣($69/6隻)。🍯呢款雞翼非油炸，而係塗上蜂蜜再拎去烤焗，感覺冇咁熱氣，味道甜甜哋，但芥辣方面就較為失色，因為只係反映咗喺嗰一粒綠色Wasabi上面。題外話，如果一份單點雞翼可以揀多於一款口味就好啦。
另一邊廂，餐廳現時有一個好抵嘅優惠🈹，就係Crunch Time脆雞漢堡買一送一，$78就有兩個漢堡包🍔，仲配埋新鮮熱辣炸得好好食嘅幼薯條🍟，直頭平過快餐店囉。留意返，呢個推廣做到6月13日咋，想食就唔好錯過喇⚠️！
Thunderbird Crunch
$78
2 瀏覽
0 讚好
0 留言
🌶Nashville Hot Crunch美式辣雞漢堡，齋睇個樣覺得同原味差唔多，不過辣在個雞皮外層塗上辣椒油，再加埋秘製辣粉，食起上嚟好惹味，辣得過癮。漢堡包好大個，麵包經微烘，頗為鬆軟的，另外仲搭配咗紫椰菜絲同醃青瓜🥒。
Cajun牛油燒粟米($65)，🌽燒粟米好大條，燒完之後仲係好多汁，而且燒得好均勻。調味用上是拉叉蛋黃醬，鹹鹹辣辣，富有牛油香。但如果溫度熱啲會更好。
意大利芝士甜品杯
$55
3 瀏覽
0 讚好
0 留言
飲品方面，我哋要咗Super Bock draft($45 half pint)同埋Iced Lemon Tea($30)。食炸雞當然要配啤酒🍻，呢款好夠汽，又唔會太苦。檸檬茶都唔錯，唔係一般茶記出品，茶底唔澀，解渴🍋。
總括嚟講，原來雞翼專家唔止得雞翼食😎，仲有沙律、小食同烤卷等提供。呢度係一個同朋友食嘢吹水放鬆嘅好地方，仲可以齊齊「叫雞🐓」添，你懂的😜。
張貼
