Bove (已結業)

今日係喺旺角掃街之旅，一定要試晒出名嘅小食。好耐以前已經聽過呢一間雞蛋仔鋪頭了，一直都好想試吓佢嘅抹茶麻糬雞蛋仔，因為身為抹茶同埋麻糬喜好者嘅我，冇理由唔試吓嘅！鋪頭都幾多人排隊，係買咗之後都等左成十零分鐘到先有得食。宇治抹茶麻糬雞蛋仔，盛惠$30。呢個價錢真係唔平，不過我覺得都值得一試，因為真係試過先知好唔好食。首先第一個感覺就係覺個雞蛋仔好軟，唔似平時食開既香脆可口，係呢方面都有少少失望嘅，但可能係因為新鮮整起，應該擺一陣先食效果會好啲嘅。另外，雞蛋仔嘅抹茶味唔算好濃烈，但係差唔多每一粒雞蛋仔都會充滿麻糬，達到左我想食麻糬嘅目的。不過我諗我淨係會食一次，係價錢試同味道上我都覺得整體來講係一般嘅。