德勝小廚 (已結業)

店名：德勝小廚地址 : 上環干諾道西28號威勝商業大廈地下好味指數：7.8／10價錢：$14雞蛋炒腸粉要有個good morning，當然唔少得個醒神早餐啦。同事琴日買左反公司，一打開個盒成間office都聞到個陣香味，搞到我都忍唔住開口問佢食緊咩，佢仲問我要唔要試下。礙於個日食左水果做早餐，唔想破壞我既健康大計，唯有拒絕 ，擇日再試。今日終於忍唔住去買，由落單到拎走大約用左8分鐘時間，成個過程完全睇住。由煎香 、混入蛋漿 、再倒反落穫煎大約1分鐘 、上碟，最後加埋豉油甜醬麻醬辣油芝麻，得左！估唔到咁普通既食材可以咁好食，蛋煎到岩岩好，配埋d混醬一齊食真係好滿足呀！